Categories: پاکستان

کراچی: ٹارگٹ کلنگ کے نئے واقعات میں مزید 5 افراد قتل

کراچی (العربیہ۔نیٹ،ایجنسیاں) پاکستان کے سب سے بڑے شہر کراچی میں چند روز کے وقفے کے بعد ایک مرتبہ پھر ٹارگٹ کلنگ کا سلسلہ شروع ہو گیا ہے اور فائرنگ کے تازہ واقعات میں مزید پانچ افراد جاں بحق ہو گئے ہیں۔

شہر میں متحارب نسلی،مذہبی اور سیاسی جماعتوں کے کارکنان کے درمیان لڑائی کے بعد لیاری، قائد آباد، پاک کالونی، نیو کراچی اور ناظم آباد میں سخت کشیدگی پائی جا رہی ہے۔ تشدد کے تازہ واقعات میں مارے گئے افراد کا تعلق مختلف مذہبی اور سیاسی جماعتوں سے تھا۔
کراچی پولیس کے مطابق ناظم آباد نمبر7 کے قریب نامعلوم افراد نے فائرنگ کر کے نجی اسپتال کے ایک پیتھالوجسٹ کو قتل کر دیا۔ نیو کراچی کے سیکٹر پانچ میں نامعلوم افراد کی فائرنگ سے ایک اور نوجوان جاں بحق ہو گیا۔ جاں بحق ہونے والے نوجوان کی شناخت قاری رضوان قادری کے نام سے ہوئی ہے اور ایک مذہبی تنظیم سنی تحریک کے ترجمان کے مطابق وہ ان کی جماعت کا کارکن تھا۔
اس نوجوان کے قتل کے بعد علاقے میں ہوائی فائرنگ کا سلسلہ شروع ہو گیا اور دکانیں اور کاروباری مراکز بند کر دیے گئے جبکہ مشتعل افراد نے گاڑیوں اور املاک کو بھی نذر آتش کر دیا۔ کراچی کے کشیدگی والے علاقوں میں امن وامان کی صورتحال پر قابو پانے کے لیے پولیس اور رینجرز کی بھاری نفری تعینات کر دی گئی ہے۔
پولیس کا کہنا ہے کہ نئی ہلاکتیں کراچی میں فرقہ وارانہ تشدد کو بھڑکانے کی سازش کا حصہ ہیں۔ پولیس ذرائع کے مطابق تین مشتبہ افراد کو گرفتار کر لیا گیا ہے اور ان سے تفتیش کی جا رہی ہے۔ واضح رہے کہ گذشتہ تین روز کے دوران کراچی میں تشدد کے واقعات میں سیاسی اور مذہبی جماعتوں سے وابستہ دس افراد جاں بحق ہو چکے ہیں۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago