Categories: مشرق وسطی

فلوٹیلا قتل عام پر اسرائیلی کنیسٹ میں گالیوں کا تبادلہ،خواتین ارکان کے درمیان جھگڑا

بحر متوسطہ کے کھلے سمندر میں محصورین غزہ کے لئے امداد لے کر جانے والے فریڈم فلوٹیلا پر اسرائیلی فوج کی جانب سے کھیلی جانے والی خون کی ہولی کی بازگشت بدھ کے روز اسرائیلی کنیسٹ میں اس وقت سنائی دی گئی کہ جب خواتین ارکان نے فلوٹیلا کے ساتھ سفر کرنے والی اپنی ساتھی رکن کنیسٹ حنين الزعبی کے خلاف ہرزہ سرائی کا ارتکاب کرتے ہوئے انہیں غلیظ گالیاں دیں۔

لیکوڈ پارٹی کی خواتین ارکان نے انتہائی حقارت آمیز لہجے میں حنین کو عربی زبان میں مخاطب کرتے ہوئے کہا کہ “خائنہ عورت تم غزہ کیوں نہیں چلی جاتی۔”
اسرائیلی ذرائع ابلاغ نے کنیسٹ کے جنگ و جدل سے بھرپور اجلاس کی کارروائی کی خبریں نشر کیں جن مطابق کہ لیکوڈ پارٹی سے تعلق رکھنے والی خاتون رکن کنیسٹ میری ریگیف نے نیشنل ڈیموکریٹک پارٹی سے تعلق رکھنے والی عرب رکن پارلیمان حنين الزعبی کو انتہائی توہین آمیز سلوک کا نشانہ بنایا۔
صہیونی ایوان کی تاریخ میں ایسا واقعہ کبھی رپورٹ نہیں ہوا۔ الزعبی نے فریڈم فلوٹیلا پر اسرائیلی کمانڈو ایکشن کے بارے میں خطاب کیا ، ابھی وہ تقریر ختم کرکے بیٹھ ہی رہیں تھیں کہ لیکوڈ پارٹی کی خاتون رکن کنیسٹ میری ریگیف غضبناک آنکھوں سے انہیں گھورتے ہوئے بہ آواز بلند الزعبی کو گالیاں دینے لگیں۔
لیکوڈ جماعت کی رکن پارلیمان نے اپنی ساتھی رکن کنیسٹ کے خلاف الزامات کا پنڈورہ باکس کھول لیا۔ انہوں نے الزعبی کو دہشت گرد قرار دیتے ہوئے کہا کہ انہوں نے فلوٹیلا میں شمولیت کر کے غیر اخلاقی کام کیا ہے کیونکہ وہ بطور رکن اس بات کا حلف اٹھا چکی ہیں کہ وہ اسرائیل کی حامی رہیں گی۔ بہ قول ریگیف، الزعبی نے خیانت کا ارتکاب کیا ہے۔

حامیوں کی ایوان بدری
خواتین ارکان کینسٹ کی لڑائی کے وقت لیکوڈ پارٹی کے رکن کرمل شامل اجلاس کی صدارت کر رہے تھے، انہوں نے عرب ارکان پارلیمنٹ اور بالخصوص الزعبی کے خلاف اپنی ہم جماعت خاتون رکن پارلیمان کی جانب سے گالم گلوچ رکوانے میں کوئی دلچسپی نہیں دکھائی۔
صدر نشین نے اس موقع پر عرب رکن کنیسٹ اور ڈیموکریٹک فرنٹ فار پیش اینڈ ایکوٹی محمد برکہ اور نیشنل ڈیموکریٹک پارٹی کے جمال زحالقہ کو الزعبی کی حمایت کرنے پر ایوان سے باہر نکال دیا۔
یاد رہے کہ اسرائیلی رکن پارلیمنٹ حنین الزعبی نے العربیہ سے بات کرتے ہوئے اسرائیلی بحریہ کو فلوٹیلا حملے کا ذمہ دار قرار دیا۔ انہوں نے کہا کہ کھلے سمندر میں اسرائیل کا فریڈم فلوٹیلا پر شب خون دراصل کھلی دہشت گردی ہے، جس میں دس افراد جان بحق ہوئے۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago