Categories: افغانستان

بگرام ائربیس پر طالبان کا حملہ

كابل (ايجنسياں) طالبان نے بدھ کی صبح افغانستان میں نیٹو کے زیر استعما ل بگرام ائر بیس پر راکٹوں، چھوٹے ہتھیاروں اور دستی بموں سے اچانک حملہ کردیاجس میں ایک امریکی کنٹریکٹرہلاک اور نو امریکی فوجی زخمی ہوگئے۔

کابل میں نیٹو کی طرف سے جاری ہونے والے بیان میں بتایا گیا ہے کہ جوابی کارروائی کرکے چارمبینہ خودکش حملہ آوروں سمیت ایک درجن شدت پسندوں کو ہلاک کردیا گیا ہے۔  بیان کے مطابق اس دوران فوجی اڈے کے احاطے میں ایک عمارت کو بھی نقصان پہنچا ہے۔
طالبان کے ترجمان ذبیح اللہ مجاہد نے اس حملے کی ذمہ داری قبول کرتے ہوئے کہا ہے کہ اس حملے میں بیس خودکش حملہ آوروں نے حصہ لیا۔
کابل سے تیس میل کے فاصلے پر واقع بگرام ائربیس افغانستان کے بڑے فوجی اڈوں میں سے ایک ہیں اور وہاں زیادہ تر امریکی فوجی تعینات ہیں۔ اسی اڈے پر گزشتہ برس طالبان کے راکٹ حملے میں دو امریکی فوجی مارے گئے تھے۔
طالبان نے منگل کو کابل میں ایک مصروف شاہراہ سے گزرنے والے نیٹو کے فوجی قافلے پر خودکش کار بم دھماکے کی ذمہ داری بھی قبول کی تھی۔ اس حملے میں چھ غیر ملکی فوجیوں سمیت 18 افراد ہلاک ہو گئے تھے اور مرنے والے غیر ملکی فوجیو ں میں پانچ کا تعلق امریکہ جبکہ ایک کا کینڈا سے تھا۔
گزشتہ سال ستمبر میں کابل میں عسکریت پسندوں کے ایک حملے میں چھ اطالوی فوجیوں کی ہلاکت کے بعد غیر ملکی فوجیوں کے خلاف منگل کو کیا گیا حملہ بدترین کارروائی تھی۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago