Categories: رپورٹس

فلوجہ میں پیدائشی معذوریوں میں اضافہ

بی بی سی کی ایک تحقیق میں اس بات کی تصدیق کی گئی ہے کہ فلوجہ شہر کے بچوں میں بڑے پیمانے پر پیدائشی خامیاں پائی جا رہی ہیں۔دو ہزار چار ميں امریکی فوج نے دو بڑے آپریشن کی مدد سے فلوجہ میں جاری بغاوت کو دبا دیا تھا۔

بی بی سی کے عالمی معاملات کے ایڈیٹر جان سمسن نے فلوجہ میں امریکی مدد سے تعمیر کیے گئے ایک ہسپتال کا دورہ کیا لیکن وہاں موجود ڈاکٹروں نے اس موضوع پر بات کرنے کے لیے تیار نہیں تھے۔
نامہ نگار کو بتایا گیا کہ ڈاکٹر اس لیے کچھ بھی کہنے سے گریز کر رہے ہيں کیونکہ عراق کی حکومت امریکیوں کے لیے مشکلات پیدا کرنا نہيں چاہتی ہے۔
سرکاری رپورٹ کہتی ہے کہ فلوجہ ميں ایک سال میں دو سے تین بچے معذوریوں کے ساتھ پیدا ہوتے ہیں لیکن ہمارے نامہ نگار نے بچوں کے وارڈ میں جب ایک ڈاکٹر سے بات کی تو انہوں نے بتایا کہ ہر روز دو سے تین بچے پیدائشی طور پر معذور پیدا ہو رہے ہیں۔ ڈاکٹر کا کہنا تھا کہ بیشتر میں دل کی بیماریاں دیکھی گئی ہیں۔
اس بات سے یہ اندازہ لگایا جا سکتا ہے کہ اس شہر میں ہر برس تقریباً ایک ہزار بچے خامیوں کے ساتھ پیدا ہوتے ہیں۔
بی بی سی کے نامہ نگار کے مطابق انہوں نے جس بھی ڈاکٹر یا پھر والدین سے بات کی انہوں نے یہی کہا کہ چھ برس پہلے امریکی افواج نے جو جدید ہتھیار استعمال کیے تھے یہ اسی کا نتیجہ ہے۔
چھ برس قبل جن عمارتوں کو نقصانات پہنچے تھے انہیں گرا کر وہاں ایک ندی تعمیر کر دی گئی ہے اور فلوجہ کے شہری اسی کا پانی پیتے ہیں۔
ہمارے نامہ نگار جب ایک گھر میں گئے تو انہوں نے پایا کہ تین بچوں پر یا تو فالج کا اثر تھا یا پھر انہیں دماغی بیماری تھی۔
جب ایک شخص کو بی بی سی کے نامہ نگار کے آنے کے بارے میں پتہ چلا تو وہ اپنی بیٹی کو لے کر آیا۔ اس بچی کے دونوں ہاتھوں میں چھ چھ انگلیاں تھیں اور اسے کئی قسم کی بیماریاں تھیں۔
ادھر امریکی افواج کا کہنا ہے کہ انہیں اس سلسلے میں جاری کی گئی کسی سرکاری رپورٹ کے بارے ميں پتہ نہیں ہے جس میں پیدائشی خامیوں ميں اضافے کا ذکر کیا گیا ہو۔
امریکی فوج کے ہیلتھ سسٹم کمیونیکیشن کے ڈائرکٹر میشیل کلپیٹرک کا کہنا ہے’ اب تک ایسی کوئی تحقیق سامنے نہيں آئی ہے جس میں ماحولیاتی خرابی کے نتیجے میں صحت سے متعلق کوئی خامیاں دیکھی گئی ہوں۔‘

بی بی سی

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago