Categories: مشرق وسطی

“مبحوح کے قتل میں موساد ملوث ہوئی تو نیتن یاہو کو طلب کر سکتے ہیں”

دبئی (العربية.نیٹ، ایجنسیاں) دبئی پولیس کے جنرل کمانڈنگ آفیسر لیفٹیننٹ جنرل ضاحی خلفان کا کہنا ہے کہ اگر یہ بات ثابت ہو جائے کہ گذشتہ دنوں ایک مقامی ہوٹل میں اسلامی تحریک مزاحمت – حماس کے عسکری ونگ کے اہم کمانڈر محمود مبحوح کے قتل کے پیچھے اسرائیلی خفیہ ادارے “موساد” کا ہاتھ ہے تو دبئی پولیس مزید تحقیقات کے لئے اسرائیلی وزیر اعظم بنجمن نیتن یاہو کو طلب کر سکتی ہے۔

حماس نے محمود مبحوح کے قتل کی ذمہ داری اسرائیل پر عائد کی ہے جبکہ تل ابیب اس الزام کی تردید کرتا چلا آ رہا ہے۔
متحدہ عرب امارات کی ریاست دبئی پولیس اس سے قبل بین الاقوامی مجرموں کے ایک گروہ کے بارے میں شبہ ظاہر کر چکی ہے کہ وہ مبحوح کو ہوٹل کے کمرے میں قتل کرنے کے ذمہ دار ہیں۔ دبئی پولیس اس قتل میں موساد کے ملوث ہونے کے بارے میں بھی تحقیق کر رہی ہے۔
دبئی پولیس سربراہ نے انگریزی میں شائع ہونے والے ایک مقامی انگریزی روزنامے “دی نیشنل” کو انٹرویو دیتے ہوئے کہا ہے موساد کے اس قتل میں ملوث ہونے کے ناقابل تردید ثبوت ملنے پر یہ کہنا بے جا نہیں ہو گا کہ اسرائیلی وزیر اعظم اس قتل کے ذاتی طور پر ذمہ دار ہیں۔
اخبار نے مسٹر تمیم سے یہ بیان منسوب کیا ہے کہ “اسرائیلی وزیر اعظم بنجمن نیتن یاہو عدلیہ کو مطلوب پہلے فرد ہوں گے کیونکہ وہی ایک ایسی شخصیت ہیں کہ جو مبحوح کے دبئی میں قتل کی منظوری دے سکتے ہیں۔ ایسا ثابت ہونے پر ہم ان کے خلاف ورانٹ گرفتاری جاری کر سکتے ہیں۔”
اگرچہ دبئی پولیس کے سربراہ نے اس اندھے قتل میں موساد کے ملوث ہونے کے بارے میں کوئی ثبوت پیش نہیں کیا تاہم ان کا بیان اسلامی دنیا میں پانے جانے والے اس یقین کی عکاسی کرتا ہے کہ اسرائیل نے اسی کی دہائی میں بپا ہونے والی فلسطینی انتفاضہ کے دوران دو اسرائیلی فوجیوں کے اغوا کا منصوبہ بنانے والے فلسطینی مجاہد محمود مبحوح کو قتل کرایا۔
متحدہ عرب امارات اور اسرائیل کے درمیان سفارتی تعلقات قائم نہیں۔ یو اے ای عموی طور پر اسرائیلیوں کو دبئی داخلے کا ویزہ جاری نہیں کرتی۔ اس سے قبل یو اے ای کی حکومت اسرائیل کی ایک ٹینس کھلاڑی کو دبئی میں ہونے والے بین الاقوامی ٹورنامنٹ میں شرکت کی اجازت دینے سے انکار کر چکی ہے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago