Categories: افغانستان

صدر حامد کرزئی کی سعودی عرب روانگی

كابل (ايجنسياں) افغانستان کے صدر حامد کرزئی منگل کو سعودی عرب کے دورے پر روانہ ہوئے ہیں جہا ں وہ سعودی قیادت کے ساتھ ملاقاتوں میں امن پسند طالبان عسکریت پسندوں کی افغان معاشرے میں سماجی بحالی کے اپنے منصوبے سے انھیں آگاہ کریں گے۔ ان کے وفد میں ملک کے نئے وزیر خارجہ زلمے رسول کے علاوہ اہم مذہبی رہنما ء بھی شامل ہیں۔

خیال رہے کہ گزشتہ ہفتے لندن میں بین الاقوامی کانفرنس سے خطاب میں صدر کرزئی نے افغانستان میں امن کی کوششوں کو فروغ دینے کے لیے اپنی نئی حکمت عملی کا اعلان کیا تھا جس میں قابل ذکر منصوبہ ہتھیار پھینک کر القاعدہ اور دوسرے دہشت گرد تنظیموں سے قطع تعلق اورسیاسی مقصد کو پرامن سیاسی مقاصد کے ذریعے حاصل کرنے کے خواہاں طالبان عسکریت پسندوں کے لیے روزگار اور دوسری اقتصادی رعائتیں دینے کا وعدہ ہے۔ لیکن طالبان جنگجوؤں نے اس پیشکش کو فوری طور پر مسترد کر دیا تھا اور امن بات چیت میں اپنی شمولیت کو افغانستان سے غیر ملکی افواج کے انخلاء سے مشروط کرنے کے مئوقف کو دہرایا ہے۔
کانفرنس سے اپنے خطاب میں صدر کرزئی نے پاکستان اور سعودی عرب پرزور دیا تھا کے وہ طالبان کو مراعات دینے اور ان کے ملک میں قیام امن کی کوششوں میں افغان حکومت کی مدد کریں۔
خیال رہے کے 1990ء کی دہائی کے وسط میں افغانستان میں وجود میں آنے والی طالبان کی حکومت کودنیا کے جن تین ملکوں نے سفارتی طور پر تسلیم کیا تھا ان میں سعودی عرب، پاکستان اور متحدہ عرب امارات شامل تھے۔
سعود ی عرب نے صدر کرزئی کے منصوبے پر اپنے فوری ردعمل میں کہا تھا کہ جب تک طالبان القاعدہ تنظیم کے ساتھ اپنے تعلق ختم کرنے کی ضمانت نہیں دیتے وہ امن کے اس عمل میں شامل نہیں ہو گا۔ تاہم پاکستان کا کہنا ہے کہ طالبان کو امن بات چیت میں شامل کرنے کا مطالبہ وہ شروع دن سے کرتا چلا آرہا ہے اس لیے و ہ افغان حکومت کے امن منصوبے کی مکمل حمایت کر تا ہے کیونکہ یہ پاکستانی مئوقف کی تائید بھی ہے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago