آپ ءُ لێن/برق ءِ بند بوگ ءُ گرانیاں مردمانی زندگی ءَ سکیانی آماچ کرتگ

مولانا محمدعثمان ماں خواش ءِ الخلیل مزن مسیت ءِ نماز جمعه ءَ گۆں اشاره به آپ ءُ لێن ءِ بند بوگ ءَ گوشت: آپ ءُ لێن ءِ بازێں بند بوگ اے مردمانی لائک نه انت، ماں اے ملک ءَ که بازێں داد ءُ مڈیانی واهند انت، نبائد چۆش بیت. کارمستراں توجیلے درگێج انت تاں ماں لوار/گرماگ ءَ مردم بےآپی ءِ آماچ مه به انت، پچےکه آپ شه زندمان ءِ بنکی زلورتان انت.

مولانا محمدعثمان ماں دگه بهرے شه وتی هبراں گرانیانی باروا گوشت: سرهالانی رد ءَ ماں گرانیاں دلارّانی دست هم هوار انت، چیا که بازێنے شه اے ساماناں ملک ءِ ته ءَ جۆڑ به انت. مالزانشتی ردکاریاں پکا مردمانی زندگی ءَ سکیانی آماچ کرتگ ءُ سرکار بائد چۆشێں ردکاریانی دێم ءَ گیت تاں مردمانی حق پادمالی مه بیت.

آئی همےرنگ نۆدربرانی وانگءُزانگ ءِ جاور ءِ نێمگ ءَ دلگۆش کرت ءُ گوشت ئی: گوستگێں وانگی سال ءِ هاسێں جاور ءَ نۆدربرانی وانگ ءَ سکیانی آماچ کرت ءُ سوب بوت لهتے نۆدربراں پشت کپ انت. کهولاں بائد انت پرے کمیانی پیلو کنگ ءَ چارگے درگێج انت ءُ آوانَ ماں تَونجی کلاساں (کلاس‌های جبرانی) نام‌نبیسی کن انت.