کارمسترے که مردمانی مشکلاں رندگیری مه کنت «گدّارے»

سنی‌آنلاین| معین‌الدین سعیدی، چهبار ءِ مردمانی پێسر ءِ جهگیر ءَ شمبی ءَ (24 آبان 1404) ماں کسرکند ءِ مزن‌مێتگ، «کوچو»ء کلگ ءِ حافظ ءُ زانت‌دربرۆکانی مزن‌لێکگی ءِ مراگش ءَ مردمانی مشکلانی باروا گوشت:

🔸اے رنگ مه بیت که دێمروی ءِ لٹ ءَ مردم بۆر انت، دوت ئی مردمانی چماں برۆت، بلێں آئی سوتّ ءُ نپاں دگراں بۆر انت.

🔸نزیک به 95 درصد شه مردمانی پسءُپیرُکی ئێں ٹگاراں «ملی» بوتگ انت که بائد انت بنجاه ءِ کارمستراں ءُ سیستان ءُ بلوچستان ءِ استاندار اے باروا ترندێں گامے زور انت.

🔸سیستان ءُ بلوچستان شه «فرزندآوری» ءِ طرح ءِ مالزانشتی ءُ اداری داداں زبهر بوتگ؛ اے باز ٹوهێں ظلمے.

🔸کسے که مردماں په جنگ ءُ جێڑه ءَ دلبڈی دنت آ «گدارے».

🔸کارمسترے که مردمانی مشکل ءُ گپچلانی باروا بگوش ایت که اے شمے مشکل انت، آ «گدارے».

🔸ڈاکٹرے که مۆک گیت ءُ زر ءِ ارزشت پرایی شه ناجۆڑ ءِ جان ءَ گێشتر بیت آ «گدارے».

🔸آ کسے که ملیون ملیون لیتر سوخت ءُ تێلاں نادلگۆش کنت که قاچاق به انت، بلے مظلومێں سوخت‌کش ءَ تیر جنت، آ «گدارے».

🔸آ واکے که بلُّکے ءِ کٹۆگ ءَ ماں چهبار ءِ کشءُکر ءَ بپرۆش ایت، اما سێٹانی بلڈینگ ءَ کار مه دار ایت، آ «گدارے».