جنکانی په زۆرێں سانگ دیگ گۆں اسلام ءِ شریعت ءَ چپ انت

شیخ‌الاسلام مولانا عبدالحمید ماں چهبار ءِ آدێنگ ءِ نماز ءِ دیوان ءَ گوشت: جنکانی سانگ دیگ ءِ باروا گۆں آوان شور بیت. جنکانی زۆرێں سانگ دیگ گۆں کسے که آیرا نه لۆٹ انت، نازانتی ئے ءُ گۆں شریعت ءَ چپ انت.

واجه ءَ درائێنت: جنک ءِ جند په سانگ ءَ گۆں کسے که شما لۆٹ ات، بائد وشنود ءُ راضی بیت. اگاں شما کسے را پێش کرت ءُ آ وشنود بوت که جوان انت، بلێں اگه آئی نه منّ ات، گڑا وس مه کن ات. اے نازانتی ءِ نشان انت که لهتے مردم جاور ءَ دلگۆش نه کن انت ءُ جنکاں هج کن انت تاں گۆں کسے که وت لۆٹ انت، آیرا سانگ دے انت؛ بازێں سوناں ءُ جنێانی جیگانی سوب هم همے بن‌گپ انت.