دبۆجی دیوان ءُ زاهدان ءُ خواش ءِ هۆنێں جمعه ئانی ٹپی ءُ شهیدانی کهولانی نیاد گۆں مولانا عبدالحمید ءَ

زی دوشمبی ءَ (۲۷ اسفندماه ۱۴۰۳/ 17 مارچ 2025) زاهدان ءُ خواش ءِ هۆنێں جمعه ئانی ٹپی ءُ شهیدانی کهولاں پد شه دبۆج ءَ گۆں شیخ‌الاسلام مولانا عبدالحمید ءَ نیاد کرت.

🔸ماں اے نیاد ءَ لهتے شه زاهدان ءُ خواش ءِ هۆنێں جمعه ئانی شهیدانی کهولاں په «کانود ءِ اێر دارگ» ءَ آ پێشامد ءِ کنۆک ءُ پرمائێنۆکانی باروا ءُ همےرنگ په «اۆپار ءُ سگگ» ءُ «پدگیری شه شیخ‌الاسلام مولانا عبدالحمید ءِ دیدانکاں» سک سۆگه اش کرت.

🔸 شیخ‌الاسلام مولانا عبدالحمید ءَ گوشت: مردماں ماں اے پێشامد ءَ ناحق ءُ مظلوم ءَ شهید بوت انت. لهتێنے لۆٹ ات که بن‌گپ ءَ چپکائی کن انت تاں مظلومانی حق پادمالی بیت، بلێں الله ءِ لطف ءُ ٹپی ءُ شهیدانی کهولانی اۆپار ءَ آوانی دێم ءَ را گپت. اےرنگ که ایران ءِ تیوگێں مردماں وتی همدردی ءَ درشاں کرت ءُ استان ءُ ملک ءِ کارمستراں منّ ات که اے مردماں ناحق ءَ کشگ بوتگ انت.

🔸 زاهدان ءِ آدێنگ ءِ امام ءَ گڈسر ءَ گوشت: ما ءُ مئے باسکاں اێشرا وتی اگده زان اێں که شما ٹپی ءُ شهیدانی کهولانی کنکّ ءَ به اێں ءُ شما دلجم به ات که ما ءُ چاگرد هچبر شما را تهنا نه هل اێں.

واجه ءَ گێش کرت: ما مدام عادلانه ئێں گیشءُگیوار ءِ لۆٹۆک بوتگ ءُ هست اێں. الله پاک ءِ گیشءُگیوار گهترێں گیشءُگیوار انت ءُ دلانی پوره ئێں تسلی ءِ سوب بیت.