زاهدان ءِ بےمیارێں مردمان ءَ کُشت اش ءُ ماں تهران ءَ درۆگێں سرهال اش دات

علیرضا کمیلی، حکومتی ئێں شۆهازگر ءَ ماں سیستان ءِ بلوچستان ءِ دێمروی ءِ دێم‌گیریانی دیوان ءَ گۆں اشاره به زاهدان ءِ هۆنێں جمعه ءَ ماں 1401 ءِ مهرماه ءَ گوشت: «زاهدان ءِ بےمیارێں مردمان ءَ کشت اش ءُ پد ءَ تهران ءَ درۆگێں سرهال اش دات. همےرنگ ابراهیم کوچکزاهی چهبار ءِ انتظامی واکانی فرمانده ءَ که به یک جنکے تجاوز کرت ات، نون آزات انت.»

یات به به ات که ماں زاهدان ءِ هۆنێں جمعه ءَ که صد نپر کشگ ءُ نزیک به سیصد نپر ٹپی بوت انت ءُ بازێنے شه ٹپیاں کور یا ملش بوتگ انت. اے درگت ءَ مردمانی لۆٹ همے بوتگ که آوان که جرم اش کرتگ بائد اسلامی شریعت ءِ رد ءَ سزا دیگ بےانت. بلێں آمیدگس ءَ نه تهنا آیی کنۆکان ءَ سزا نه دات، بلکه آ پێشامد ءِ شهید ءُ ٹپیانی کهولان ءَ په هۆنبها ءِ زورگ ءَ لاچار اش ءَ کرت. انگت بازێنے چمَ پرنچ انت که کدی بیت آ ظالمێں کۆشکاراں قصاص به انت، بلێں تاں نون امێتے نێست ءُ آیی کنۆک ءُ پرمائێنۆکاں وش وش ءَ چرّ انت.