انسانی ھکانی ادارھانی بے تواری ءِ سبب ءَ بلوچستان ءَ ھمک روچ زُلم ءُ زوراکیانی جاور گیش نہ ناگیگ بوان انت

پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ کہ مئے زرمبشت زانت ءُ زانگ ءَ گون ءَ پنجاب ءِ بگیرداری ءِ پندل کتگ اش دانکہ مئے توار پروشگ بہ بیت ءُ زیردستانی توار گار کنگ بہ بیت ما ھروھد ءَ رد ءَ را رد گشتگ، بلوچستان ءَ زورگری، لٹ شاپی ءُ انسانی ھکانی بدتریں لگتمالیاں اگاں یک ادارھے کنگ اِنت گڑا آئی ءَ آمیدگس ءُ پارلیمنٹ ءِ پَلو گون بیتگ-
ڈاکٹر مھرنگ بلوچ ءَ گوشتگ بلوچستان ءَ انسانی ھکانی لگتمالیانی ھلاپ ءَ توار چِست کنوکیں زالبول ترسینگ بوگ ءَ اَنت ،ڈیٹھ اسکواڈ ءِ زور ءَ کھول بیھار دیگ بوگ ءَ اَنت ءُ یا آ زالبولاں بیگواہ کنگ ءِ جھد بوگ ءَ اِنت کہ ھماھانی گِساں آیانی مردین سلاہ بندین جنگ ءِ بھر اَنت – بلوچ زالبول ھما دردناکیں ڈول ءَ گوزگ ءَ اَنت آیانی کسھاں لاھور یا پاکستان ءِ دگہ کُنڈے ءَ نندگ ءُ کسہ کنگ نہ بیت اِنت- مئے ماتانی زھگ ھما ڈول ءَ واترہنگ بنت اِنت کہ آیانی چھرگ پلوشینگ بیت ءُ آیانی مات مشکلیں رنگے ءَ آیاں پجار کن اَنت-
ڈاکٹر مھرنگ بلوچ ءَ گوشتگ دومہ جنگ ءِ ازیم ءَ کالونیل ءِ وھد ءَ زالبولانی لگتمالی کنگ بیتگ ءُ مروچی ھم بلوچستان ءَ زالبولانی زورانسری بیگواھی ءِ سبب ءَ جھلانکیں سزایانی آماچ بوگ ءَ اَنت- بلوچستان ءُ دو دھکاں زوراکی ءِ آماچ اِنت- ایشی ءِ توک ءَ درستاں گیش دردناکی ءِ آماچی زالبول اَنت – دھکاں چہ وتی دوستیگیں مردمانی ودار ءَ نیشتگ اَنت-
انسانی ھکانی بے تواری ءِ سبب ءَ بلوچستان ءَ ھمک روچ انسانی ھک لگتمال ءُ گیش ناگیگی ءِ جاور ودینگ بوگ ءَ اَنت- مروچی بلوچستان نسل کشی ءِ بدتریں ڈول ءَ گوزگ ءَ اِنت- ایشی ءِ توک ءَ اگاں آمیدگس ءُ پارلیمنٹ ءَ نندگ ءُ بے توار بوگ جرم ءَ شریکی اِنت ءُ دھکاں چہ زھنی ءُ جسمانی دردناکی ءَ مئے مردم نارمل زند ءِ گوازینگ ءَ بے ھیال بیتگ اَنت-
ڈاکٹر مھرنگ بلوچ ءَ گوشتگ بلوچستان ءَ توار چِست کنوکیں ٹیچر، اھوالکار ءُ ھمک زانتکاریں مردم نشانگ بوگ ءَ اَنت – سُھر ودینوکیں مئے زمین ءِ ھمک بھر لاش ودینگ اِنت- وھدیکہ ما ایشانی ھلاپ ءَ پر ایمنین زرمبشت بندات کتگ گڑا مارا پنجاب ءِ بگیرداری ءِ نام دیگ ءِ جھد بیتگ- دانکہ زیردستانی توار بند ءُ گار کنگ بہ بیت اِنت-
ڈاکٹر مھرنگ بلوچ ءَ بلوچستان ءِ جاور گما وھد ءَ گیشنگ ءِ نیمگ ءَ برگ بنت اِنت دانکہ زورانسری آوار جنی جرم گوشگ مہ بیت اِنت-
بن‌شون: دی بلوچستان پوسٹ