یکے شه «سنی‌آنلاین» ءِ کارمندان آوار جنگ ءُ بیگواہ بوتگ

سنی‌آنلاین| پرێشی که دارالعلوم زاهدان ءِ رسانکدری کارندهانَ گۆں سکی ءَ آماچ کن انت، چیریں ادارھانی کارمنداں پریری صحب ءَ (چارشمبی 17 آبان 1402) مولوی عبدالحکیم شه‌بخش، دارالعلوم زاهدان ءِ استاد ءُ یکے شه «سنی آنلاین» ءِ هال‌سرکنۆک ءِ کارمنداں شه زاهدان ءَ آوار جتگ ءُ گوں وت برتگ که انگت بیگواہ اِنت.

مولوی عبدالحکیم شه‌بخش همےرنگ یکے شه میان‌استمانی تاکبند «ندای اسلام» ءِ شۆنکاراں انت.

تاں اے وهد ءَ شه اے استاد ءُ رسانکدری کارنده ءِ جاور ءَ ٹکێں هال دست ءَ نه کپتگ.

🔺 همےرنگ زی صحب ءَ مولوی سعید فضل‌اللهی یکے شه دلگان ئِے مزن‌مێتگ ءِ رسانکدری جهدکاراں شه پهازۆکی واکانی نێمگ ءَ آوارجنگ ءُ بندیگ بوتگ.

🔺 دارالعلوم زاهدان ءِ رسانکدری کارندهانی آوارجنگ ءُ همےرنگ شۆشل میڈیا ءِ جهدکارانی بندیگ کنگ ماں سیستان ءُ بلۆچستان ءَ پرێشی انت تاں وت‌واجه ئێں رسانکدرانَ گۆں سکی ءَ آماچ کن انت، اے وڑ ءَ سرکاری رسانکدراں بےترس ءَ وتی درۆگ ءُ بنڈانَ شنگَ کن انت ءُ هچ رسانکدرے نێست که آوانی درۆگ ءُ بنڈانَ پدّر کنت، اے زۆرغنڈیگێں سرکارانی مدامی ئێں داب انت.