معین الدین سعیدی: سیستان ءُ بلوچستان ءِ بازیں جاھان نادراه جاه نیست بلے رئیسی دگه ڈیھاں نادراه جاه ءِ دیگ ءِ ٹاه ءَ دنت

سیستان و بلوچستان ءِ مجلس شورا ءِ نمائندگ چھبار معین الدین سعیدی ءَ گوشتگ که سیستان و بلوچستان ءِ چار ھنکیناں نادراه جاه ءِ نام ءُ نشان نیست اِنت بلے رئیسی ءِ سرکار ءَ ھچ پکر نیست اِنت.

آئی ءَ رئیسی ءِ سرکار ءَ را دلگوش دیان ءَ گوشتگ که سیستان و بلوچستان ءِ شھر کسرکند، کنارک، دشتیاری ءُ زر آباد ءَ نا نادراه جاه ھست ناکه دگه شھمیں آسراتی ھست اِنت.

آئی ءَ گوشتگ رئیسی ءِ سرکار ءَ جار جتگ که نا انڈویشا دوازده نادراه جاه دیگ ءِ جار جتگ اے وتی ڈیھ ءَ سرجمی ءَ نادراه جاھانی سر ءَ باید پیسر ءَ دلگوش به دنت.

آئی ءَ گوشتگ که من جانسلامتی ءِ وزیر ءَ اے دلگوش ءَ گور کنگ لوٹ آں که آ کنارک ءُ دشتیاری ءَ بئیت بچار ایت که اد ءَ چی چی ھست اَنت اد ءَ مردم کجام آزابیں زند ءَ اَنت نادراه کجام آزاب کشی ءَ کنگ ءَ اَنت.

آئی ءَ گوشتگ که مجلس شورا ءِ باسک اِنت مارا ھک ھست اِنت وتی ھکانی ھاتر ءَ ایراد به گریں بلے چاگردی ترامجاھانی بندش جنگ اے جوانیں کارے نه اِنت.

آئی ءَ گوشتگ که باید چاگردی ترامجاھاں مارا ایراد گرگ ءُ جست کنگ ءَ تچک ءَ الگ به بیت اِنت اود ءَ ھم وتی لوٹاں ایر کن ایں.

دی بلوچستان پست