وتی دینی اگده ءَ دُرست کن ات

من مدام درشان کرتگ که اسلام تهنا نماز ءُ رۆچگ ءُ زکات ءُ حج نه انت. بازێں احکامے انت که باید آوان ءَ زان ات ءُ آوانی سر ءَ عمل کن ات. لهتے وهد ءَ اگاں حجَے بدل ءَ وتی زرّان ءَ همدا هرچ کن ات شما را گێشترێں ثوابے رس ایت. لهتے وهد ءَ شه نفلی ئێں رۆچگ ءَ رۆچگ‌واری ءِ ثواب گێشتر انت، لهتے وهد ءَ یک هژدری ئێں کارے ءِ کنگ شه نفلی ئێں نماز ءَ گهتر انت.

باید اے پجّار ءَ داشته به ات ءُ زان ات که شمئے اگده چےانت. تهنا مسلمان بوتن بس نه انت. سێل کن ات اسلام ءُ قرآن شه شما چے لۆٹ انت. تهنا اے که گوش ات الحمدلله من مسلمانے آن ءُ نفل ءُ تهجد وان آن ءُ دنیا هر چۆں بیت ءُ مسلمانان هرچۆں بےانت من ءَ کارے نێست، اے مسلمانی نه انت. مرۆچی که مسلمانان مه دنیا ءَ اێنکس گۆں سکّی‌سۆریاں آماچ انت چێنکس شمئے درّێں زرّ ءُ جان ءُ وهد ءَ مسلمانانی درد ءَ وارتگ؟ چێنکس شپ استاتگ ات ءُ په مسلمانانی مشکل ءُ وتی هدایت ءَ دعا ءُ کرتگ؟