بلوچستان ءِ دمگ شال، [کوئٹه] سبی، ھرنائی، زیارت، پشین ءَ ھوار بازیں جاھاں زمین چنڈ ءِ سبب ءَ بازیں لوگ کپتگ اَنت بنداتی ھالانی تہ ءَ بیست مردم بیران بیتگ اَنت ءُ دو سد ءِ کچ ءَ مردم زدگ اَنت.
دمگدارانی رد ءَ چارشمبے ءِ شپ ءِ ساھت سَے ءَ آؤکیں زمین چنڈ ءَ بازیں لوگ کپتگ اَنت ءُ بازیں مردمے دیوالاں چیرترینتگ اَنت.
دمگداراں نادراهجاہ جاڑیگ کرتگ ءُ کمکی کار بندات کتگ اَنت.
زمین چنڈ ءِ زور پنچ ٹک نُھ ریکارڈ کنگ بیتگ ءُ زمین چنڈ ءِ بنجل چہ شال ءَ یک سد ءُ ھشتاد کلومیٹر ءِ دوری ءَ ھرنائی ءَ بیتگ.
ڈپٹی کمشنر ھرنائی سھیل انور ھاشمی ءِ رد ءَ چار شمبے ءُ پشمبے ءِ میانی شپ ءَ کساس ساھت سَے ءَ زمین چنڈ ءِ ترند چنڈ سما بیتگ ءُ چریشی ءَ دیوال ءُ لوگ کپتگ اَنت ءُ بازیں مردم وپتگیں واب ءِ ترس ءَ گڑیتگ اَنت.
آئی ءَ گشتگ کہ زمین چنڈ ءَ ھرنائی ءُ آئی ءِ کش ءُ گوری دمگ شاھرگ ءَ بازیں کچے ءَ دیوالانی کپگ ءِ ھال اِنت ءُ بازیں سرکاری ماڑیانی تاوان ءِ ھال اِنت.
آئی ءَ گشتگ کہ لیویز کارمند ھما دمان ءَ کمکی کاراں دیم دیگ بیتگ اَنت، ھرنائی ءِ ھند گریبآباد ءَ بازیں زدگ بیتگیں مردم نادراهجاہ ءَ سر کنگ بیتگ اَنت.
ڈی سی ءَ گشتگ کہ زمین چنڈ ءَ پد بجلی شتگ اَنت ءُ کمکی مردماں مشکلانی جیڑھانی دیمپانی اِنت.
زمین چنڈشناس ءِ بنجل اسلامآباد ءِ رد ءَ زمین چنڈ ءِ ریکٹر سکیل ءَ پنچ ٹک نُھ ءُ زمین ءِ جھلی ءَ پانزدہ کلومیٹر ریکارڈ کرتگ.
ڈپٹی کمشنر ءِ رد ءَ شال ءَ اُستانی ڈیزاسسٹرمینجمنٹ اتھارٹی ءِ واکداراں مارا رھوت کرتگ.
ایس ایچ او ھرنائی پولیس گلام اکبر ءَ گشتگ کہ زمین چنڈ ءَ ھرنائی ءِ شھر ءُ کش ءُ گوری دمگ اسرمند بیتگ اَنت ءُ کپتگیں دیوالاں بازیں راہ بند کرتگ اَنت ءُ چریشی ءِ سبب ءَ کمکی کارمنداں اود ءَ سر بیگ ءَ مزنیں مشکلانی دیمپانی اِنت.
آئی ءَ گشتگ کہ گریبآباد، مرزاکلی، جلالآباد، کلیشور، گوڈا غوژہ، کلی اسپانی ءُ کش ءُ گوری میتگ باز اسرمند اَنت.
بلوچستان ءِ تھی کارانی وزیر میر ضیاء لانگو ءَ چیئرمین ای ڈی ایم ءَ رھوت کرتگ ءُ گشتگ کہ ھمک نیمگ ءَ کمکی سدکی ءُ گوشتگ کہ اے گرانیں وھد ءَ ما ھر دمان ءَ شمئے گون ءَ اوشتاتگ اِنت.
چیئرمین این ڈی ایم ءَ گشتگ کہ ھرنائی ءَ زمین چنڈ ءَ اسرمندیں مردم میڈیکل ءِ ٹیم روان داتگ اَنت، ھیلی کاپٹر، نان فوڈ آئٹمز ءُ دارو درمان زوت ءَ چہ زوت زمین چنڈ ءَ بیتگیں جاھاں دیم دیگ بیت اِنت.
ڈسٹرکٹ ھیلتھ آفیسر رشید ناسر ءِ رد ءَ نادراهجاہ ءَ زدگ بیتگینانی واستا جاہ، درمان کنوک ءَ درمان کم بیتگ اَنت چریشی ءِ سبب ءَ ترند زدگ بیتگیں مردم شال ءَ دیگ بیگ ءَ اَنت ءُ آئی ءَ گشتگ دو زدگ بیتگیں مردماں راہ ءَ ساہ داتگ اَنت.
لیویز واکدارانی رد ءَ شال ءَ لیویز کوئیک رسپانس ٹیم ھرنائی ءَ دیم دیگ بیتگ اَنت ڈی ایچ او ڈاکٹر عبدالرشید ناسر ءِ رد ءَ جانسلامتی ءِ دراھیں کارمند ڈاکٹرز ءُ پیرا میڈکس زوت ڈسٹرکٹ ھیڈ کوارٹر ھسپتال ھرنائی ءَ سر بیگ ءِ گڈنی کنگ بیتگ اَنت.
آئی ءَ گشتگ کہ نادراهجاہ ءَ ڈاکٹر ءُ درمانی کمی ءِ دیمپانی اِنت.
سرچمگ: دی بلوچستان پسٹ
رۆدراتکی بلوچستان ءِ 4 دمگاں بارکان، پنجگور، ڈیرہ بگٹی ءُ کلات ءَ 5 رۆچانی ته ءَ 27 لاش دزکپتگ انت.…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (۱۷ مهر ۱۴۰۵/ 9 اکتوبر 2026) وتی گڑتی ءَ شه…
گوستگیں روچاں پنجگور ءِ دمگ گوارگو فتح علی بازار ءَ زھگ گوازی کنگ ءَ بیتگ انت کہ آہاں یک شکی…
اے رۆچاں که هلاکه گیس ءِ نێستی ءُ گراننهادی ءِ آماچ انت ءُ مردماں په گیس سلنڈرے چنکه اداراں سرپانی…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (۱۰ مهر ۱۴۰۵/ 2 اکتوبر 2026)، گۆں ترۆندێں شرگداری ءَ…
گۆں زاهدان ءِ هۆنێں جمعه ءِ پێشامد ءِ سالگشت ءِ نزیک بوگ ءَ، شیخالاسلام مولانا عبدالحمید ماں زاهدان ءِ نمازجمعه…