مولانا خدارحم رودینی، دارالعلوم زاهدانءِ حدیثے زبردستێں استاد بێران بوت

مولانا خدارحم رودینی، شه دارالعلوم زاهدانءِ حدێثءِ زبردستێں استادان مرۆچی دشمبیءِ پێشینءَ (12 مهرماه 1400) پد شه بازێں ناجۆڑی ئے سگّگءَ ماں 86 سالگیءَ بێران بوت.

مولانا خدارحم رودینی رحمه‌الله، عارف ۆ زبردستێں پاگواجه ئے ات که وتی گێشترِ اُمرءَ را ماں وانگ ۆ زانگ ۆ پیامبرءِ حدیثانی وانێنگءِ راهءَ گوازێنتگ ۆ ماں علمءِ وڑ وڑێں پڑاں حاصێں وس ۆ مهارتے داشتِ.

🔹مولانا خدارحم رودینی ماں سال 1314 ءَ «سهراب» هلکءَ شه سیستانءِ «میانکنگیِ» ڈیهءَ ودی بوت. هما گونڈیءَ پسِّ بێراں بوت ۆ آیی لۆگمان مجبور بوت اَنت په رۆزیگی مشکلانی سوبَ به همسایگێں ملکءَ، اۆگانستانءَ لڈ انت.

🔹مولانا خدارحم گۆں بازێں سکّی ۆ رنجے سبکّ ۆ علم ونت ۆ شه اۆگانستان ۆ پاکستانءِ پاگواجهان علمِ کٹ اِت. آ خدابیامرزءَ ماں پاکستانءَ شه مولانا مفتی محمدشفیع عثمانی، مولانا محمدیوسف بنّوری، مولانا ادریس کاندهلوی، مولانا رسول‌خان، مولانا عبدالغنی جاجروی، مولانا سرفرازخان صفدر ۆ بازێں دگه پاگواجهان محضرءَ علم کٹ اِت.

🔹مولانا خدارحم ماں سال 1362 گۆں مولانا عبدالعزیز رحمه‌الله ۆ شیخ‌الاسلام مولانا عبدالحمید حفظه‌الله ءِ لۆٹءَ به دارالعلوم زاهدانءَ آت ۆ تاں وتی گڈی اُمرءَ ماں اے اهل‌سنتے مزنێں علمی بنجاهءَ گۆں تفسیر، حدیث، فقه، اصول فقه، کلام ۆ عقاید، فلسفه ۆ منطق، بلاغت ۆ معانی، صرف ۆ نحو ۆ بازێں دگه علمانی یات دیگءَ گٹ بوت که بازێں طالبے شه آیی علم کٹ ات.

«اللهم اغفرله و ارحمه و أكرم نزله و وسّع مدخله و أبدله داراً خیراً من داره و أهلاً خیراً من أهله.»