بلۏچی زبان ؤ مئی زمه‌واری

«بلوچی مئی وتی شهدېں زبان اِنت» اِے شیرکنں گالا ما گندېں بازېں بلۏچے وتا دپا کاریت، په دپا هر بلۏچے وتا وتی ماتی زبانِ‌واهگدار زانت، گوشیت منا وتی ماتی زبان چو ساها دوست بیت. بلے ماتی زبانِ حق تهنا په دپی گپا ادا نبیت. ماتی زبان جهد لۏٹیت، باید په آئیا هېدرېچی بیت ؤ زحمت کشّگ بیت.
من چه وتی واجهېں برات ؤ بانکېں گهاراں دزبندی کناں که په وتی ماتی زبانا جهد کننت. وتی پیرېں پیرک ؤ‌ بلّکانی گپ ؤ گالاں، آزمانک ؤ شعراں نبشته بکننت، اِشاں کمّکېں چیزّ مزاننت، اِے گران‌بهائېں گنج اَنت، آیاں باید په جان ؤ دل گوشدارگ بنت ؤ پدا جهد کننت که آیاں به نبیسنت، اگه نبیسگ مبنت پدا گار و بیگواه بنت و هچ چیز چه آیاں پشت نکپیت.
اگه شما را چه وتی گوستگیں مردماں نبشته هست، آیاں شنگ کن‌اِت میل اِتش که ورۏک آیانا بوارت ؤ‌ آخرا بېگواه بنت. اِے مئی شمئی تاریخ ؤ راحدپتر اِنت.
مئی ؤ شمئی نسل ؤ پدرېچ ما را شما را چه همشاں جاه کارنت، میلیں که اِے رابطه سندگ بیت.