نودربرانی قرآنی مسابقات زاهدانا برجم دارگ بوت

سیستان‌ ؤ بلوچستانِ نودربرانی/دانش‌آموزانی دیوان زی 20 شهریور 1396، زاهدانِ‌ اهل‌سنتِ‌ نمازجاها برجم دارگ بوت.
په سنی‌آنلائنِ هالکاریا اِے مسابقات قرآنِ حفظ،‌ ترتیل، قرائت ؤ بانگِ باورا بوت ؤ دو صد نفر چه نودربراں چه سیستان ؤ بلۏچستانا که چه وتی ملکی مسابقاتا گچېں بوتگ اِتنت، استانی مسابقاتا بهر زرت.
اِے دیوانِ بنگېجی دیوان زیگېں سهبا گوں واجه ڈاکٹر عبیدالله بادپاءِ گپاں بنگېج بوت. زیگېں رۏچِ دراجیا نودربراں مسابقه داتگ.
اِے مسابقاتِ‌ گڈی دیوان دوشی رند چه مغربِ نمازا برجم دارگ بوت، اِے دیوانا واجه شیخ‌الاسلام مولانا عبدالحمید صاحبا گپ ؤ بیان کت.
واجها گوشت: من چه اِے نودربرانی قرآنی مسابقاتِ بهر زورگا باز گل ؤ شاداں، چه برجم دارۏکاں باز منتواراں.
مولانا عبدالحمیدا دېمترا گوشت: پیغمرا فرمائینتگ اگه شما منی قرآن ؤ سنتا چنگ بجن‌اِت هچبر گمراه نبت. قرآن مجید آسمانی کتابانی درمیانا بے مٹېں کتابے ؤ پیغمبر صلی‌الله‌علیه‌وسلم، پیغمبرانی ردا گهترېں پیغمبر اِنت.
اِے دیوانِ گڈسرا آ نودربراں که توانتگتش مں اِے مسابقاتا نام کٹنت جایزه ؤ داد دیگ بوتنت.