ملکِ مسئول آیانی دیما که لوٹنت «بلوچستانِ» ناما بیگواه کننت، بگرنت

واجه مولانا گرگیج گلستانِ آزادشهرِ جمعه‌یِ پیشنمازا مَں وتی جمعه‌یِ گپاں چه بلوچستانِ نامِ بیگواه کنگ مَں لهتے وانگی/درسی کتاباں سک گلّه کرت و گوشتی که ملکِ مسئول و کارمستر باید آ کسانے دیما که لوٹنت بلوچستانِ ناما بیگواه کننت، بگرنت.
په سنی‌آنلائنِ هاکاریا، آزادشهرِ جمعه‌یِ پیشنمازا (7 آبان95/ 28 اکتوبر2016)ءِ گپاں گوشتگ: همک وهدا اینٹرنٹا بلوچستانِ نامِ بیگواه بیگِ هال شنگ بیت. بلوچستان، ایرانِ کپّے. بلوچستانِ ناما چه وانگی کتاباں بیگواه مکن‌اِت. همے پیم ما نلوٹیں که هچ راج و قومِ جاهانی نام چوشکه آذربائجان، کوردستان و خوزستان بیگواه کنگ بیت.
گالیکشِّ دارالعلوم فاروقیه‌یِ مدیرا دیمترا گوشت: ما ایرانِ مردم اِیں و اِیرانی باید تپاک ببنت. مختلفیں رنگ و زبان و مذهب باید حفظ کنگ بنت، پرچا که باید یک باغیا هر دابیں گُل مان ببیت تا شررنگتر چمّا بیئیت. مزنیں کارمستراں باید آ یانی دیما که لوٹنت بلوچستانِ ناما بیگواه کننت، بگرنت. کوهنیں نام په ما سند اَنت و ارزش اِش هست.
مولانا گرگیجا گڈسرا گوشت: وهدے که لوٹتش گلستانِ زمانگی ناما بدل کننت، من نه منِّت. گلستان، یک دل‌تبی/سلیقه‌اِی نامے اَت. ڈن چه ملکا اِے منطقه‌یا «جرجان» و «طَبرستان» پجّاه کارنت. آ که نامانا بدل کننت، بزاننت که نوکیں نام پربندگاں مئی کرّا هچ ارزشے نیست اِنت، باید ملکانی تاریخی و کوهنیں نام دارگ بنت.

?سرچمگ: مولانا گرگیجِ وبتاک