بلوچستانءِ مزنیں گوش‌بُرّ دَزگیر بوت

زی شنبهءِ سهبا (1 اکتبر2016) ایرانءِ انتظامی واکاں مردے که چه بلوچستانا بازیں پول و مالے دزّتگ اَت، مَں استان تهران، دماوندءِ شهرا، دزگیر کرت.
په سنی‌آنلاینءِ هالکاریا، سردار حسین رحیمی سیستان‌وبلوچستانءِ انتظامی واکانی مسترا گوشت: استانءِ زرباری/جنوبی نیمگءِ میلیاردی گوش‌بُرّ شنبه (10 مهر95) شپءِ ساهت یک و نیما استان تهران و دماوندءِ شهرا دزگیر کنگ بوت.
تهرانی مردے په نام سیداحمد میرمحمدی چنت سالا مَں بلوچستانا ماشبنءِ لین و دَینی کرتگ. آئی رند چه مردمانی اعتماد و بروسه‌ءِ دستا آرگا گوستگیں رمضانءِ‌ اول سرا بازیں مردمے ریپینت و چه اِیرانا جِست.
بازینے چه مئے بلوچ راج گوں اِے هالءِ اشکنگا سک دلپدرد بوتنت. واجه و پیشنمازاں په اِے گوش‌بُرّءِ دزگیریا باز تاکید کرت. مولانا عیدالحمیدا ماں وتی جمعه (28 خرداد 95) ءِ گپاں مردم په صبر و اوپار وصیت کرتنت و چه قضائی و امنیتی کارمسترانی لوٹت که اِے مشکلا په دل رندگیری کننت.
رند چه شکایت و قضائی کارانی رندگیریا اِے مرد دزگیر کنگ بوت. مردم چه اِے مال‌دزّءِ‌ دزگیریا باز گَل بوتگنت و امیت کشّ اَنت که آیانی مال پدا په آیاں پچ‌ترینگ ببنت.