شیخالاسلام مولانا عبدالحمیدا اِے هپتگءِ زاهدانءِ جمعهءِ نمازءِ گپاں، 30 ستمبر2016 ئا، په انتظامی واکانی هپتگا اشاره کرت و «نظم و امنیتءِ برجاه دارگ» آیانی ٹوهتریں ذمهواری و مردمانی اعتمادءِ دستا آرگ په آیاں مزنیں کَٹّے زانت.
په سنیآنلاینءِ هالکاریا، واجه مولانا عبدالحمیدا گوں سردار رحیمی سیستانوبلوچستانءِ انتظامی واکانی مستر و آئیءِ همراهانی وشآتکا که زاهدانءِ جمعهءِ نمازا حاضر اِتنت، گوشتی: انتظامی و امنیتی واکانی بنیادی ذمهواری نظم، قانون و امنیتءِ برجم دارگ اِنت. امنیتءِ برجاه دارگ لهتے ادارهیانی اصلی ذمهواری اِنت.
واجهئا گوشت: امنیتی واک هما وهدی کامیاب بنت که تمامیں مردمانی اعتماد و بروسهئا دستا بیارنت. عامیں مردمانی اعتمادا دستا آرگ مزنتریں کَٹ اِنت. مردمانی دیمپانی انتظامی واکانا په امنیتءِ دستا آرگا کمک کنت.
مولانا عبدالحمیدا دیما پرمائینت: مرچگیں انتظامی واک، زیگیں ژاندارمری نهنت. زیگیں ژاندارمریا په یک نپر و یک لوگءِ مردماں کار کرت، بلے انتظامی واک یک مردمی واکے پرچا که حکومت مردمی اِے. اگه مرچی انتظامی واکاں موفقیتے دستا یارتگ مردمانی دعا و آیانی دیمپانی اِنت.
مولانا عبدالحمیدا مردمانی نقش په امنیتءِ برجم دارگا مهم زانت و گوشتی: امنیتءِ برقرار کنگ په ملکءِ مردماں سک ضروری اِنت. باید مردمانی جند په اِے کارا هور کنگ بنت. راج و قوم باید وت اشرار و دزّاں درگیجنت و آیانی دیما بگرنت.
واجهئا گوشت: مئی استان هما وهدی دیما روت و وشنام بیت که امن ببیت. امنیت سوب بیت که مالدار په مئی استانا دیم کننت. پمشا ما باید په امنیتءِ برجم دارگا وتی زورا جنیں، پرچے که امنیت ما پهکانی فایدهیا اِنت.
دارالعلوم زاهدانءِ مدیرا “تقواءِ پُچّ” گهتریں پُچ زانت و گوشتی: پُچّے که امنیتی واکانی گورا اِنت، هزمتءِ پُچ اِنت. بلے گهتریں پچ تقوا و پهریزکاری اِنت که قرآن مجیدا “لباس تقوا” نام بستگ. تقوا و پهریزکاری ما پهکانی معنوی پچ اِنت. هرکس هرجاه که بیت باید تقواءِ پچ آئیءِ گورا ببیت.
واجهئا گیش کرت: هما وهدی ما سوبیں بئیں که تقوای پچ مئی گورا ببیت و چه الله و مردمانی حقانی پامال کنگا پهریز کنیں. ما پهکاں باید چه گناهاں پهریز کنیں.
علیرضا کمیلی، حکومتی ئێں شۆهازگر ءَ ماں سیستان ءِ بلوچستان ءِ دێمروی ءِ دێمگیریانی دیوان ءَ گۆں اشاره به زاهدان…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (21 اردیبهشت 1402/ 10 مای 2024) گۆں اێشی بیان ءَ…
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…