«دعا» وت مزنیں نعمتے

نیکراهیءِ مزن نامیں واجہ مولانا محمدقاسم قاسمی (عمری دراج‌تر ببات) ماں مهرماهءِ رمس 5 گوں زاهدانءِ نیکراهی بنجاهءِ لهتے استادا گندوگدارے کت و واجہ‌ئا ماں اے گندونندا لهتے مزن نهادیں گپ پہ دُواءِ باروا درشان کت.
واجہ‌ئا گوں مزن نامیں زانتکار ابن عطاء اللہ سکندریءِ اے گپءِ پراریچ کنگا (لا یکن تأخر أمد العطاء مع الٳلحاح فی الدعاء -موجبا لیأسک;فهو ضمن لک الٳجابة فیما یختاره لک،لا فیها تختار لنفسک،و فی الوقت الذی یرید،لا فی الوقت الذی ترید) گشت: اچ برز و بلندیں اللہءِ نیمگا اگاں ٹیکی و بکشش کمے مهتل بیت أنت، اے مهتلی باید نہنت کہ ناامیتی و دلپروشیءِ سبب ببیت. دُواءِ دامنءِ یل دئیگ ناامیتیءِ نشانی ٳنت.
دُوا، اچ اللہءِ نیمگا مزنیں ٹیکی و بکششے. برزوبلندیں اللہ‌ئا دُواءِ قبول کنگ وت مانزمان کتگ; بلے اے اختیارءِ واهند اللہ وت ٳنت (هر وهدے کہ بہ لوٹ ایت). گڑا تو اَے آدمی زات!اجازت بدے کہ اختیار اللہءِ دستا ببیت نے کہ توایں بے میمءِ دستا.
ماں آ وهدی کہ اللہ بہ لوٹیت و ماں همک پیمیں ڈولے کہ بہ لوٹیت دُوائا قبول کنت. «تفویض»ءِ بزانت ایش ٳنت کہ درستیں چیز پہ اللہءِ اختیارا دئیگ ببیت.
مهتر موسیءِ دُوا اچ چل40سالا رند قبول بیت. مهتر ابراهیمءِ اے دُوا کہ اچ آئیءِ نسل و پشپداں پیگمبرے ودی ببیت چہ چنت سدیءِ گوزگا پد قبول کنگ بیت.
دُوا یک مزنیں نیامتے. بایدٳنت کہ دواءِ ارزشت اچ هما چیزیا کہ ما لوٹگاایں گیشتر ببیت. اگاں پہ یک گرانی و مشکلے هاترا هچ کس دستے چست نکنت و دوائے نلوٹیت، بلے تو دوا بکن.
سسا/تدبیر کنگ پہ گرانیانی توجیلیا سک شرٳنت، گوشتگش: سسا کنگ خرچء ِ(پہ زندمانءِ گوازینگاَ)نیم ٳنت. بلے دوا بایدٳنت کہ اچ سساکنگا هم گیشتر ببیت.
ماں یک اداریءِ تها یک دوائیا چنت رندا لوٹ و طلب بکن‌ٳت. و پدا هم اے دُوایا همک درگت گوں وت پہ لوٹگا همراه کن‌ٳت. ماں دواءِ تها پُشتا نہ هٹگ و اوشتگ سک باز ارزشت مندٳنت.
پشتا نہ هٹگ ماں دواءِ تها ایش ٳنت کہ آئیءِ تها زاری و پریات ببیت.

?رجانک: محمدامیری