گوں نیکیں عملءَ په آخرتءِ سفرءَ تیاری کن اِت

واجه مولانا عبدالحمیدءَ ماں (20 فروردین 1395)ءِ جمعهءِ وعظاں په آخرتءِ سفرءِ آمادگی و تیاری ءَ تاکید کرت و گوشتی که آخرتءِ سفرءِ تیاری، نیکیں عمل اِنت.
په سنی‌آنلاینءِ هال‌رسانی سایتءِ هالکاریءَ، واجه مولانا عبدالحمیدءَ په آخرتءِ سفرءِ تیاریءِ بارهءَ گوشت: پیغمبر و نیکیں بندگاں په وتی عاقبتءِ به‌خیر بیگءَ دعا کرتگ. وهدے که انسان گوں ایمانءَ به مریت اللهءِ رضامندی آئیءِ نصیب بیت. هر عقل‌مندیں انسانے لوٹیت که عاقبتی په خیر و نیک به بیت.
واجهءَ دیمءَ گوشت: هما وهدی انسانءِ عاقبت په خیر و نیک بیت که عملی نیک به بیت و ایمانی قوی به بیت. ایمان هما وهدی قوی بیت که انسان نیکیں عمل بکنت و تقوا خداترسیءِ هیالداریءَ بکنت و الله و مردمانی حقءَ بدنت و ادا بکنت.
واجه مولانا عبدالحمیدءَ گناه و معصیت اِیر جت و گوشتی: گناه و معصیت انسانءِ دلءَ هراب کنت. آ انسان که گناه کنت جاه کئیت که آئیءِ دل فاسد اِنت. دل تمامیں اعضایانی مستر اِنت. انسان باید گوں نیک اعمال و کردارءَ دلءَ چه فاسد بیگءَ محافظت بکنت.
واجهءَ دیمءَ گوشت: باید هر مؤمنءِ تمنا همے به بیت که عاقبتی په‌خیر به بیت، بلے تهنا تمنا درد نوارت بلکیں باید په آخرتءَ جهد هں بکنت. انفاق و صدقهءَ په عاقبتءِ نیک بیگءَ باز اثر هست. اللهءَ سخی و خرج کنوک باز دوست بنت.

خاشی معلم حمیدرضا گنگوزهیءَ دلیری کارے کرت
واجه مولانا عبدالحمیدءَ دیمءَ ماں دگه بهرے چه جمعهءِ گپاں حمیدرضا گنگوزهیءِ کار که پیشی هپتگءَ سه زانت‌دربر/ دانش‌آموزی چه مرکءَ نجات داتگ اَت نیک و دلیریں کارے زانت و گوشتی: ماں حدیثءَ یهتگ که آ کسے که دیوالءِ چیرءَ ترّیت آ شهید اِنت.
واجهءَ گوشت: ایرانءِ آموزش و پرورش وزیرءَ که یهت چه نزیکءَ گوں اے شهیدءِ مردماں دیدار کرت و وتی دلپدردی جار جت اِے هں باز وشّیں کارے اَت.

مسیتءَ سلاح کشّگ باز رِڈیں کارے
واجه مولانا عبدالحمیدءَ ماں وتی گپانی گڈسرءَ په یک شخصے ترور و بیراں کنگ ماں گوستگیں جمعهءَ خاشءِ جمعهءِ نمازجاهءَ اشاره کرت و گوں اِیر کارءِ ایرجنگءَ، په ترندی گله کرت و گوشتی: پیشی جمعهءَ ماں خاش یک نپرے رند چه جمعهءِ نمازءَ بیراں کنگ بوت. اِے کار باز رِڈّ و پلیتیں کارے که مردم مسیتانی تهءَ سلاح به کشّ‌اِیت و دگرےءَ به کُشیت. اِے باز اپسوزی گپّے اَت.