سَجّئیں قوم و مذهبانی مردماں کار گِرَگ وحدت و تپاکی کاریت

شیخ الإسلام مولانا عبدالحمیدا ماں وتی جمعه (6شهریور1394)ءِ وعظاں ماں زاهدانءِ جمعهءِ نمازوانوکانی دیوانا گوں اشاره په اشی که ایران، یک پاٹ و گروهی یے نه انت، سجئیں قوم و مذهبانی کار گِرگی په وحدت و تپاکیا ضروری زانت.
زاهدانءِ جمعهءِ پیشنمازا ، ایرانءِ هسته ای توافق سک مهم و ضروری زانت و گوشتی: هسته ای توافق نامه یکے چه تدبیر و امیدءِ دولتءِ مزنیں کٹّان اَت. اے توافق نامه ماں منطقه و بین الملل ءَ په ایرانا مزنیں موفقیت و کٹےات که ماں کل جهانا اثر دَور دات. مزنیں گپ ادا انت که اے توافق نامه گوں جنگ و درگیری دست آرگ نه بوت بلکیں گوں مذاکره و شور و صلاح دستا آتک.
واجه مولانا عبدالحمیدا دیما گوشت: مذاکره و شور و صلاح هوش و عقلءِ نشانی انت، ساریں عقل و هوش غیر چه خاصیں وهدا هچبر په جنگ و شدتا فرمان ندات. مذاکره په مشکلاتءِ گار کنگا بهتریں راه انت.
واجه مولانا عبدالحمیدا گوشت: هما پیما که راجکماشا وعده داتگ ات که هسته ای موضوعا حل کنت، و الله شگر انت که توانتی که اے کارا بکنت؛ همے پیما قانون/کانود اساسیءِ اجرا کنگ و احتماعی و سیاسی و دینی آزاتیانی پچ کنگ، هن چه آئیءِ وعده یاں بیتگ انت، گڑا باید په آیانی دستا آرگا کوشش بکنت.
دارالعلوم زاهدانءِ کارمسترا تاکید کت: ایران یک پاٹ و یک گروهے یے نه انت بلکیں پهکیں مردمانیگ انت. گڑا باید سجئیں قوم ومذهب په ملکءِ اداره کنگ و آباد کنگا شریک کنگ به بنت و اے کار ما را په امنیت وتپاکیا رسین ایت.

*پونکءِ نمازجاه پیسری دابا گردینگ به بیت
زاهدانءِ جمعهءِ پیشنمازا ماں دگه بهرے چه وتی گپاں په تهرانءِ پونکءِ نمازجاهءِ پچ بیگا تاکید و گوشتی: پونکءِ نمازجاه که پیش ترے هراب کنگ بوت، باید آئیءِ مشکل حل کنگ به بیت، اے یکے چه مئے مردمانی لوٹ و واهشتان اِنت.
واجهءَ گوشت: منا یقین هست که ایرانءِ انقلابءِ رهشون و راجکماش و اے دگه مزنیں کارمستراں په پونکءِ نمازجاهءِ هراب کنگا راضی نبوتگ انت. و آیان که اے کار هرابی اش کت، دُور چار نبوتگ انت و براتی و هم ملکیءِ حق اش نچارتگ . الله تعالی اشانا هدایت کنات.
واجها گوشت: چه راجکماشءِ دود و ربیدگی/فرهنگی مشاورا که ماں دیوانا حاضر انت، لوٹ ایں که مئے مردمءِ اے لوٹ و درخواستا په راجکماشا سر بکنت که پونکءِ نمازجاه، پیسری هالا ترینگ به بیت. ما کارمسترانا اطمینان دئیں و الله تعالیءَ هں په وتی اے گپا شاهد کن ایں که آ نمازجاها غیرچه الله تعالیءِ عبادتا دگه هچ چیز مبیت.
.