دینءِ تها بدعت و وَتگَڑیں چیزءِ آرگ رَد انت

واجه مولانا عبدالحمیدا ماں جمعهءِ وازّاں اسلامءِ دینی، جامع و کامل ایں دینے زانت و چه بدعت و خرافاتءِ پهریز کنگا تاکیدی کت.
پہ ایرانءِ اهل‌‌سنتءِ هالرسانی سایت سُنی‌آن‌لاینءِ هالکاریا، زاهدانءِ جمعهءِ پیشنمازا ماں وتی جمعه 13شهریور 1394/ 20 ذدالقعده 1436ءِ وازّاں گوں آیه «وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا» [الحشر:7]ءِ وانگا گوشتی: وهدے کہ انسان پہ کلام پاکا کہ زندمانءِ مزن‌تریں دستورنامہ انت، سرجنت، گڑا بازیں جاهے چمّا کئیت کہ تاکید بوتگ، ما پیغمبر صلی‌الله‌علیه‌وسلمءِ رندگیریا بکن ایں. پیغمبر صلی‌الله‌علیه‌وسلمءِ اتباع و رندگیری ، الله تعالیءِ پیروی و رندگیری انت، پرچا کہ پیغمبر صلی‌الله‌علیہ‌وسلم، الله تعالیءِ دیم‌داتگیں هالرسان انت و هرچے گوشیت چہ الله تعالیءِ نیمگا گوشیت.
واجہ مولانا عبدالحمیدا چہ بدعات و خرافاتءِ پہریز کنگا تاکید کت و گوشتی: چیزے کہ پیغمبر صلی‌الله‌علیه‌وسلما، ما را چه آئیا بیم داتگ و تُرسینتگی، بدعت و خرافات و وتگڑیں چیز ءِ آرگ ماں دینا انت.
دارالعلوم زاهدانءِ کارمسترا، “بدعتءِ دامانی مانگیشگ”، گوشتگیں امّتان گمراهیءِ اصلی سبب زانت و گوشتی: چیزے که گوستگیں امت چہ آئیءِ سببا گمراه بوت انت، همے بدعت و خرافات ات انت. یهودیانی مانجینا همینچو بدعت آتک که حضرت موسیءِ دین اش ٹگل اینت و توراتءِ لبز و معنایش بدل کت، و هما اندازه دیما شت انت کہ “عُزیر” اش اللهءِ زهگ زانت.
واجها گوں تاکید کنگ چه بدعتانی دوری کنگا گوشتی: پیغمبر صلی‌الله‌علیه‌وسلما، ما را هژدار داتگ که یهود و نصارا ءِ رندگیریا مکن ایں. پیغمبرا وتی عمرءِ آخر سرا وصیت کت و پرمائینتی: الله‌تعالی یهود و نصارایا لعنت کنات کہ اللهءِ ولی و پیغمبرانی مانِش و قبر اش نمازجاه کت انت. پیغمبرا اے بیم هست ات کہ مردم قبر و مانشانا عبادتجاه بکن انت. یکے چہ حکمتاں که پیغمبر صلی‌الله‌علیه‌وسلمءِ قبر اش بی‌بی عایشهءِ لوگا کت همیش ات کہ مردم واجهءِ قبرءِ سرا هلاپیں کار مکن انت.
واجہا دیما گوشت: پیغمر صلی‌الله علیه و سلما ما را فرمان داتگ کہ اختلاف و جنجالانی وهدا پہ واجهءِ سنت و خلفا راشدینءِ سنتاں دست جن ات و سکّ اش بدار ات.
واجه مولانا عبدالحمیدا اسلامءِ دین، کامل و پراهیں دینے زانت و گوشتی: الله تعالیءَ اسلامءِ دین کامل کتگ و هرکس آچیزے دینا بیاریت که دین تها نبوتگ آ رد انت.

*‌ اویس بادپا علامہ ندویءِ شنگجاه کارمستر، ذهن والا و هوشمندیں ورنائے ات
شیخ‌الاسلام مولانا عبدالحمیدا وتی جمعهءِ گپانی آخر سرا پہ اویس بادپا علامہ ندویءِ شنگجاهءِ کارمستر و واجه مفتی محمد قاسم قاسمیءِ ورنائیں زهگءِ رکستا اشاره کت و اویسی یک ذهین و هوشمندیں ورنائے زانت که گوں وتی مریضی و نادراهیا توانتگی چند کتاب و وانگی بنبیس ایت و رجانک بکنت. واجها وتی دلپدردی جار جت و په مرحوما چه اللهءِ بارگاها بکش‌اش و ماپی لوٹ ات و په آئیءِ پُشپداں صبر و اوپار هاٹیگ بدات.
عزیز را بلند بنماید و ایشان را مغفرت بکند و در جوار بهترین رحمت ها جای عنایت بکند و والدین و بازماندگان را اجر و صبر عنایت بفرماید.