رمضانءِ دست‌آرتگیں اعمالا حفظ کن اِت

شیخ‌الإسلام مولانا عبدالحمیدا په رمضانءِ کٹ‌اِتگیں/ دست‌آرتگیں اعمالءِ حفظ کنگا تاکید کت و مردمی په نفلی اعمالا و جماعتءِ نمازءِ مواظبتا توار کت اَنت.
په سنی‌آن‌لاینءِ هالکاریا زاهدانءِ جمعهءِ پیشنمازا ماں وتی جمعه 2 مرداد 1394/7شوال1436ءِ وعظاں په رمضانءِ ماهءِ تمامیا اشاره کت و په رمضانی اعمال دست کپتگین مزانی حفظ کنگا تاکید کت و گوشتی: رمضانءِ مبارکیں ماه هلاس بوت، و زانگ نبیت که تا دگه رمضانے کئی باریں زندگ بیت، بلے ضروری اِنت که رمضانءِ دست‌آرتگیں اعمالانی هیالداری کنگ به بیت، اگه نه رمضانءِ برکتانی اثر مئے زندگیا پَشت نکپیت.
واجها دیما گوشت: رمضانءِ مزن‌تریں دست‌آرتگیں نمازءِ وانگ اِنت. رمضانءِ ماها مسجد چه نماز وانوکاں پُر اِتنت و مردم مسجدانی تها په ذکر و تلاوتا مشغول اِتنت. صدقه و انفاق باز دیگ بیت، بلے زانگی اِنت که اے اعمال که رمضانءِ دستاورد اِتنت، خاص اِے ماه‌ئیگ نینت و رند چه رمضانا هں ما باید الله تعالیءَ عبادت بکن اِیں.
اهل‌سنتءِ مزن‌زانتکاریں واجها گوشت: رمضان په اشيءَ آتکگ که ما را تعلیم بدات که سالءِ دراجیا/طولا نماز بوان اِیں، نفلی نماز بوان ایں، نفلی روچگ بدار اِیں. گوں بزگ و بے وسیں مردماں همدردی بکن‌اِیں . چه حج و عمرهءَ بی‌هبالا مه بئیں، شپ و تهجدءِ نماز، رند چه رمضانا هں وانگ به بیت.
واجه مولانا عبدالحمیدا په تقوای ضرورتا هں اشاه کت و گوشتی:  هما دابا که ما ماں رمضانا چم، گوش و زبان چه  گناه دور داشتگ اَنت و گوشت ایں که ما روچگ اِیں، باید رند چه رمضانا هں چه گناهاں دوری بکن ایں.
واجهءَ نفس و شیطان دو زهرامدیں دشمن په انسانا زانت اَنت و گوشتی: باید الله‌تعالیءِ سر سخت ایں دژمنانی دیما بُوشت ایں. اولی دژمن “نفس اماره” انت که ما را په گناها وادار کنت و دومی “شیطان” انت که همک وهدا کمینءَ نشتگ  تا انسانا گمراه و بیراه بکنت.  نفس و شیطان مئیگ و خداءِ دشمن اَنت. باید نفش و شیطانءِ دیما آگاه و هژار به بئیں تا اشانی دیما بوشت ایں و مئیل ایں که مارا تاوان برسین انت.
قومی و مذهبی درگیری بدتریں جَنگ و شِدَّت اَنت
حضرت شیخ‌الإسلام مولانا عبدالحمیدا ماں وتی گپانی یک بهریا په قومی و مذهبی جنگاں اشاره کت وگوشتی: بے‌شک بدتریں جنگ و درگیری قومی ومذهبی جنگ انت. اسلامءِ دژمناں په قوم و مذهبانی جتایی و تفرقهءَ باز نقشه کشّ اتگ ما باید آگاه و هُژّار به بئیں، تا دژمنانی پریبا مه ور اِیں.
واجهءَ گڈسرا گوشت: اگه یکیا قتلے کت و په ناحقا هونے رِتکی، باید هما کشوک/قاتل جواب بدات و چه همائیا بیڑ گرگ به بیت. باید مقتولءِ قوم و مردم و کارمستر کوشش بکن انت که هما کشوکا بگر اَنت و آمیدگس/دادگاها تحویل بدینت و په وتی کارءِ سزایی برسین انت. قومی درگیری اسلام و عقلءِ هلاپ اَنت و چه جاهلیتءِ عادتان انت.