مولانا فتحی محمد نقشبندی رہا ہو گئے

مولانا فتحی محمد نقشبندی، ایرانی راسک کے خطیب اور دینی مدرسے کے مہتمم جو ملک کے معروف علماء میں سے ایک ہیں، گزشتہ منگل ( 11 نومبر 2025ء) کو دو سال اور دو ماہ کی قید کے بعد مشہد کی وکیل آباد جیل سے رہا ہو گئے۔

مولانا نقشبندی کو اتوار (20 اگست 2023ء) کو راسک سے چابہار جاتے ہوئے سیکورٹی فورسز نے گرفتار کیا تھا۔

راسک کےخطیب کومشہد کی خصوصی عدالت برائے علمانے پانچ سال قید کی سزا سنائی تھی۔

علی مظفری، جو عدلیہ کے نائب سربراہ برائے عدالتی امور ہیں، نے اتوار (9 نومبر) کو اعلان کیا تھا کہ 160 سے زائد سیکورٹی مقدمات کے قیدیوں کو معافی یا سزا میں تخفیف دی گئی ہے۔ امکان ہے کہ مولانا فتحی محمد نقشبندی کی رہائی بھی اسی عدالتی اقدام کے تحت عمل میں آئی ہو۔