زاہدان (سنی آن لائن) ایرانی بلوچستان کے صدرمقام میں واقع جامع مسجد مکی کے سینئر رضاکار محافظ حاجی گل احمد شاہوزی کو حساس ادارے کے اہلکاروں نے منگل چار جولائی کو زاہدان سے گرفتار کیا ہے۔
اس سے پہلے مکی مسجد کے رضاکار خادم حاجی عبدالواحد شولی بر بھی عدالت میں پیشی کے بعد گرفتار ہوچکے ہیں جو اب تک قید میں ہیں۔
جامع مسجد مکی ایرانی اہل سنت کی سب سے بڑی مسجد ہے جو جامعہ دارالعلوم زاہدان کے احاطے میں واقع ہے۔ اسی جامعہ اور مسجد کے چار اساتذہ اور دو فوٹوگرافر بھی گزشتہ ہفتوں اور مہینوں میں انٹیلی جنس اداروں کے ہاتھوں گرفتار ہوچکے ہیں۔
سیاسی مسائل کے مبصرین کا خیال ہے زاہدان کے خونین جمعہ (جہاں سکیورٹی فورسز کی فائرنگ سے کم از کم ایک سو نمازی شہید اور تین سو زخمی ہوئے) کے بعد خطیب اہل سنت مولانا عبدالحمید کے تنقیدی خطبات اور بیانات اور خونین جمعہ کے متاثرین کو انصاف دلانے کا مطالبہ کمزور کرنے کے لیے ان پر دباؤ ڈالا جارہاہے۔ مذکورہ گرفتاریاں اسی دباؤ کے سلسلے میں ہیں۔
ایرانی عوام شدید ترین مہنگائی کا سامنا کر رہے ہیں؛ حکومت، پارلیمان اور نظامِ حاکمیت…
خراسان کے اہلِ سنت کا بارہواں فقہی مشاورتی اجلاس جمعرات کی صبح، 22 اکتوبر 2026ء…
ترکیہ اور آذربائیجان کے درمیان دیرینہ دوستانہ تعلقات میں تناؤ بڑھنے لگا ہے۔
فرانس کے وزیرِاعظم سیباستیان لیکورنو نے پیر کے روز مختلف علاقوں میں محدود پیمانے پر…
فیلڈ مارشل سید عاصم منیر اہم دورے پر ایرانی دارالحکومت تہران پہنچ گئے۔
جمہوریہ آذربائیجان کے اسکولوں میں حجاب پر پابندی جمہوریت کے اصولوں کے خلاف ہے؛ صدرِ…