فرعون صفت صہیونی فوج نے شیر خوار بچوں کی ماں کو شہید کر دیا

فلسطینی وزارت صحت کے مطابق کل جمعہ کے روز علی الصبح جنین میں صہیونی فوج کی اندھا دھند فائرنگ سے شدید زخمی ہونےوالی 23 سالہ دالیا احمد سلیمان سمودی زخموں کی تاب نہ لاتے ہوئے دم توڑ گئی۔

مرکزاطلاعات فلسطین کے مطابق دالیا احمد کو اسرائیلی فوج نے جنین میں الجبریات کے مقام پر دھاوے کے دوران گھر میں گھس کر گولیاں ماریں۔ دالیا سلیمان سمودی اس وقت اپنے شیر خوار بچے کے لیے دودھ تیار کررہی تھی۔

فلسطینی وزارت صحت کے مطابق اسرائیلی فوج کی گولیوں نے دالیا کا جگر، گردے اور بیرونی شریان کو چھلنی کردیا تھا۔ اسرائیلی فوج کی فائرنگ سے فلسطینی خاتون شدید زخمی ہوئی اور اسے اسپتال لے جانے لیے ایمبولینس منگوائی گئی۔ تاہم صہیونی فوج نے ایمبولینس کو آگے جانے روک دیا جس کے نتیجے میں اسے بروقت اسپتال نہ پہنچایا جاسکا۔ تاخیر سے اسپتال پہنچائے جانے کے بعد دالیا کو انتہائی نگہداشت وارڈ میں منتقل کیا گیا جہاں وہ کچھ ہی دیر کے بعد زخموں کی تاب نہ لاتے ہوئے دم توڑ گئی۔