چینی مسلمانوں کے متعلق تشویشناک خبریں آرہی ہیں، مفتی تقی عثمانی

معروف عالم دین مفتی تقی عثمانی نے کہا ہے کہ چین کے مسلمانوں کے بارے میں تشویشناک خبریں آ رہی ہیں۔
سوشل میڈیا پر چین کے ایغور مسلمانوں سے متعلق مفتی تقی عثمانی نے پیغام جاری کیا ہے۔
انہوں نے کہا کہ حکومت پاکستان کا فرض ہے کہ وہ چینی مسلمانوں سے متعلق خبروں کی تحقیق کرے۔
معروف عالم دین نے مزید کہا کہ پاکستان چین میں اپنا اثر و رسوخ استعمال کرکے مسلمانوں کو انصاف دلائے۔
تقی عثمانی کا کہنا تھا کہ مسلمان مسلمان کا بھائی ہوتا ہے، مسلمان کسی مسلمان کو بے یار و مددگار نہیں چھوڑتا۔