شیخ الاسلام مولانا عبدالحمید عمان پہنچ گئے

مسقط (سنی آن لائن) اہل سنت ایران کی ممتاز دینی و سماجی شخصیت شیخ الاسلام مولانا عبدالحمید اتوار تئیس دسمبر کو عمان کے دارالحکومت مسقط پہنچ گئے ہیں جہاں ائیرپورٹ پر مقامی شخصیات نے ان کا پرتپاک استقبال کیا۔
شیخ الاسلام مولانا عبدالحمید کی ویب سائٹ کی رپورٹ کے مطابق، خطیب اہل سنت زاہدان کے اس دورے میں مولانا مفتی محمدقاسم قاسمی (صدر دارالافتا دارالعلوم زاہدان و سینئر استاذ الحدیث) سمیت جامعہ کے بعض دیگر اساتذہ شامل ہیں۔
عمان میں بلوچ برادری کی بڑی تعداد آباد ہے اور اس ملک کے بہت سارے اعلی حکام کا تعلق اسی برادری سے ہے۔
ایران عمان میں دوطرفہ اچھے تعلقات قائم ہیں ۔ وہاں دینی تحریکوں خاص کر تبلیغی جماعت کو کام کرنے کی اجازت ہے۔
یاد رہے اس سے پہلے مولانا عبدالحمید سرکاری رکاوٹوں کی وجہ سے متعدد غیرملکی اسفار سے روک دیے گئے تھے۔