استانبول پریس میلہ میں اہل سنت ایران کے نمائندے شریک

استانبول (سنی آن لائن) ترکی میں آٹھواں استانبول عالمی پریس میلہ کا آغاز ہوگیا جس میں اہل سنت ایران کے دو مجلے بھی شریک ہیں۔
’سنی آن لائن‘ سے گفتگو کرتے ہوئے ’الصحوة الاسلامیة‘ کے ایڈیٹر نے کہا استانبول پریس میلہ میں بیس ممالک کے چارسو میگزین شریک ہیں۔
آٹھواں استانبول عالمی پریس میلہ میں ندائے اسلام اور الصحوة الاسلامیة کے نمائندے شرکت کررہے ہیں۔ انٹرنیشنل سہ ماہی مجلہ ’ندائے اسلام ‘فارسی زبان میں ہے جس کے ساتھ مضامین کا خلاصہ انگریزی میں بھی آتاہے۔ ماہنامہ الصحوةالاسلامیة عربی زبان میں ہے ۔
استانبول عالمی پریس میلہ کا آغاز جمعرات چار مئی کو ہوا جو آٹھ مئی تک جاری رہے گا۔
یاد رہے ندائے اسلام اور الصحوة الاسلامیة دارالعلوم زاہدان کے زیر انتظام کام کررہے ہیں۔
اہل سنت کا واحد باقاعدہ اور رجسٹرڈ مجلہ ندائے اسلام کا پہلا شمارہ سنہ دوہزار میں شائع ہوا۔