شام کے شہر حلب پر شامی فضائیہ کی بمباری سے 4 بچوں سمیت 51 افراد ہلاک

شام کے شہر حلب میں فضائیہ کی بمباری کے نتیجے میں 4 بچوں سمیت 51 افراد ہلاک جب کہ متعدد زخمی ہوگئے۔
غیر ملکی خبر رساں ادارے کے مطابق شام میں خانہ جنگی سے شدید متاثر ہونے والے شہر حلب میں شامی فضائیہ کی بمباری کے نتیجے میں 4 بچوں سمیت 51 افراد ہلاک جب کہ متعدد زخمی ہوگئے۔ شام میں کام کرنے والی انسانی حقوق کی تنظیم کا کہنا ہے کہ حلب شہر پر فضائی حملوں میں روسی طیاروں سمیت شامی توپ خانوں نے بھی بمباری کی جس میں مارے جانے والے زیادہ تر افراد عام شہری ہیں۔
واضح رہے کہ شام کا شہر حلب خانہ جنگی کے باعث سب سے زیادہ متاثر ہوا ہے جب کہ گزشتہ کئی ہفتوں سے حکومتی افواج اور باغیوں کے درمیان جاری لڑائی میں شدت آگئی ہے جس کے باعث اب تک سیکڑوں افراد مارے جاچکے ہیں۔

ایکسپریس نیوز