بین الاقوامی مقابلہ حفظ قرآن میں ایران کے سنی شہری پہلی پوزیشن پر

تہران میں منعقد بین الاقوامی قرآنی مقابلوں میں صوبہ خراسان کے سنی حافظ قرآن ’عبدالغفور جوہرچی‘ نابینا حفاظ کے مقابلوں میں پہلی پوزیشن حاصل کرنے میں کامیاب ہوئے۔
ملکی خبررساں اداروں کے مطابق، حافظ عبدالغفور نابینا حفاظ کے مقابلے میں فائنل سٹیج پہنچ جانے کے بعد پہلی پوزیشن حاصل کرگئے جبکہ ترکی اور تیونس کے نابینا حفاظ دوسری اور تیسری پوزیشنوں پر ٹھہرگئے۔
مقابلہ حسن قراء ت اور صحت حفظ میں ستر ملکوں سے قراء اور حفاظ قرآن کریم نے شرکت کی۔ ججز نے فائزین کے ناموں کا اعلان سولہ مئی کے دن کیا۔
یادرہے حافظ عبدالغفور جوہرچی تایباد کے’ احناف‘ اور ’انوارالعلوم‘ مدرسوں کے استاذ ہیں۔