بغداد: داعش کے 2 خودکش حملوں میں 20 اہلکار ہلاک

عراق میں دوسرے روز بھی داعش کے 2 خودکش حملوں میں 20 اہلکار ہلاک ہو گئے ہیں۔
حکام کا کہنا ہے کہ داعش جنگجوئوں نے جنوبی بغداد میں ذیدان پولیس سٹیشن کو نشانہ بنایا۔ 2 خودکش بمباروں نے خود کو پولیس سٹیشن کے نزدیک دھماکے سے اڑا لیا۔ گزشتہ روز عراقی دارالحکومت بغداد میں ہونے والے 3 کار بم دھماکوں ہلاکتوں کی تعداد 93 ہو گئی ہے۔
گزشتہ روز کے بم دھماکوں کو عراق میں رواں برس کے بدترین حملے قرار دیا جا رہا ہے۔ اس سے یہ بھی ظاہر ہوتا ہے کہ دارالحکومت میں سیکیورٹی فورسز کا کنٹرول کس قدر کمزور ہے۔ دوسری جانب عراق میں سیاسی بحران بھی سر اٹھا رہا ہے۔ مقتدی الصدر کی حکومت مخالف احتجاجی تحریک زور پکڑتی جا رہی ہے۔

اردو ٹائمز