افغانستان: مسجد پر راکٹ حملہ، 6 افراد ہلاک

مشرقی افغانستان کے صوبہ ننگرہار میں ایک مسجد پر راکٹ گرنے سے چھ افراد ہلاک جبکہ چار زخمی ہو گئے۔
ضلع کے گورنر حاجی غلیبی نے بتایا کہ حملہ ایچن میں جمعہ کی شام نماز کے دوران کیا گیا۔
ابھی تک واضح نہیں ہو سکا کہ حملے کا نشانہ مسجد ہی تھی یا پھر قریب ہی سیکیورٹی فورسز پر راکٹ فائر کیا گیا تھا۔
ننگرہار پولیس چیف حضرت حسین مشرقی وال نے بتایا کہ سیکیورٹی فورسز نے ایک غیر ملکی سمیت دو مشتبہ افراد کو گرفتار کیا ہے۔
خیال رہے کہ افغانستان میں خود ساختہ دولت اسلامیہ اپنی موجودگی کو پختہ کرتے ہوئے حکومت فورسز اور افغان طالبان کے خلاف سرگرم ہے اور پاکستانی سرحد کے قریب ننگرہار ان کا مضبوط گڑھ بن چکا ہے۔

ڈان نیوز