سعودی عرب میں اہل تشیع پر حملے کی مذمت

زاہدان (سنی آن لائن) شیخ الاسلام مولانا عبدالحمید نے بیان جاری کرتے ہوئے جمعے کو سعودی عرب کے علاقے قطیف میں اہل تشیع کی ایک مسجد پر حملے کی شدید مذمت کی ہے۔
قطیف حملے میں اکیس کے قریب نمازی جاں بحق جبکہ تیس افراد زخمی ہوگئے ہیں۔ ممتاز سنی عالم دین کے بیان کے ایک حصے میں آیاہے: انتہاپسند عناصر کے مفادات فرقہ وارانہ لڑائیوں میں ہے اور اسی لیے وہ اس طرح کے حملے کرکے فرقہ واریت کو ہوا دینا چاہتے ہیں۔
مولانا عبدالحمید کے دفتر کی جانب سے شائع کردہ بیان کے مطابق، انہوں نے سعودی عرب کے مشرقی علاقے میں شیعہ مسجد پر حملے کی شدید مذمت کی ہے۔ انہوںنے متاثرین کے خاندانوں سے ہمدردی کا اظہار کرتے ہوئے ان کے لیے اجر وصبر کی دعا مانگی ہے۔