مناسکِ حج کا آغاز، منیٰ میں 30 لاکھ فرزندان توحید کا اجتماع

حج کی غرض سے دنیا کے کونے کونے سے 30 لاکھ سے زائد فرزندان توحید سعودی عرب میں جمع ہو چکے ہیں جو آج منیٰ کے مقام سے سنہ 1435ھ کے مناسک حج کا آغاز کر رہے ہیں۔

سفید احرام میں‌ ملبوس، ہرقسم کے صنفی، جغرافیائی لسانی اور رنگ ونسل کے امتیاز سے بے پرواہ تلبیہ پڑھتے ہوئے حجاج کرام اپنی قیام گاہوں‌ سے بسوں کے ذریعے اور پیادہ وادی منیٰ کی جانب گامزن ہیں۔
اگلے مرحلے میں حجاج کرام میدان عرفات کی طرف بڑھیں گے اور طواف کعبہ کے بعد صفاء اور مروہ میں سعی کا فریضہ ادا کریں‌ گے۔ سعی کے بعد مزدلفہ میں خیمہ زن ہوں گے اور طواف وداع سے قبل ایک بار پھر منیٰ میں شیطان کو کنکریاں مارنے لوٹیں گے۔
العربیہ ڈاٹ نیٹ کے مطابق سعودی حکومت نے حسب معمول ضیوف الرحمان کی ہرممکن سہولت کے لیے غیرمعمولی اقدامات کیے ہیں۔ امدادی کارکن، رضاکار اورپولیس اہلکار حجاج کرام کے ساتھ ساتھ بھی چل رہے ہیں۔

العربیہ ڈاٹ نیٹ