دارالعلوم زاہدان کے سالانہ اجلاس کا آغاز

ایرانی اہل سنت کے عظیم ترین دینی ادارہ دارالعلوم زاہدان کے سالانہ اجلاس اور تقریب دستاربندی کا باقاعدہ آغاز آج انتیس رجب(انتیس مئی دوہزارچودہ)کو ہوگیا۔

’سنی آن لائن‘ کی رپورٹ کے مطابق دارالعلوم زاہدان کی 23ویں تقریب ختم صحیح بخاری ودستاربندی کا آغاز مقامی وقت کے مطابق آج 7:30 کو ہوگیا۔ ایران کے مختلف شہروں اور صوبوں سے تعلق رکھنے والے متعدد سنی علمائے کرام، طلبہ، عمائدین اور عام شہریوں کی بڑی تعداد تقریب میں شرکت کے لیے جامعہ کے قریب مرکزی عیدگاہ میں اکٹھی ہوچکی ہے۔
مذکورہ تقریب کو ایرانی اہل سنت کا ’سب سے بڑا اجلاس‘ کہاجاسکتاہے جس میں دولاکھ کے قریب حضرات وخواتین شرکت کرتے ہیں۔
اس اجلاس میں اہل سنت کی کی سرکردہ شخصیات اور علمائے کرام کے علاوہ بعض صوبائی حکام بھی شرکت کرتے ہیں۔
 تئیسویں تقریب دستاربندی دارالعلوم زاہدان آج رات اختتام پذیر ہوگی۔