عراق ،تازہ بم حملوں میں تیرہ افراد ہلاک

عراقی صوبے انبار کے دو شہروں فلوجہ اور رمادی میں سکیورٹی فورسز اور جنگجوؤں کے مابین جھڑپوں کا سلسلہ جاری ہے۔

بتایا گیا ہے کہ سکیورٹی فورسز شدید جھڑپوں کے بعد فلوجہ میں داخل ہونے میں کامیاب ہو گئی ہیں۔
دوسری جانب عراقی شہر بعقوبہ کے قریب ایک خود کش دھماکے میں ۱۳ افراد ہلاک ہو گئے۔
پولیس اور طبی حکام کے مطابق گزشتہ روز بلادر کے علاقے میں ایک کار شوروم کے قریب خود کش حملہ آورنے بارود سے بھری گاڑی کو دھماکے سے اڑا دیا۔
پولیس نے بتایا کہ بغداد کے شمال میں ہونے والے اس دھماکے میں تقریبا پچیس افراد زخمی بھی ہوئے ہیں۔
واضح رہےکہ عراق میں بد امنی گزشتہ سال اپریل میں بغداد کے شمال میں سنی عرب کے احتجاجی کیمپ پر سیکورٹی فورسز کی دخل اندازی کے بعد شروع ہوئی تھی کہ جس میں درجنوں افراد ہلاک ہو گئے تھے۔
حالیہ اعداد و شمار کے مطابق عراق میں گزشتہ سال تشدد کے نتیجے میں چھ ہزار تین سو سے زیادہ افراد ہلاک ہو چکے ہیں۔

TRT اردو