افغانستان: کابل میں امریکی فوج کے خلاف احتجاجی مظاہرہ

افغانستان کے دارالحکومت کابل میں امریکی فوج کے خلاف احتجاجی مظاہرہ کیا گیا، امریکی وزیردفاع چک ہیگل اورافغان صدر حامد کرزئی کے درمیان ٹیلی فون پر رابطہ ہوا ہے۔
مظاہرے میں سیکڑوں افراد نے شرکت کی، مظاہرین نے صوبے وردگ سے امریکی فوج کے فوری انخلا پر زوردیا۔ غیر ملکی خبر رساں ادارے کے مطابق اتوار کودارالحکومت کابل کے مختلف علاقوں میں سیکڑوں افراد نے احتجاجی ریلیاں نکالیں۔ مظاہرین نے پلے کارڈ اور بینرز اٹھا رکھے تھے جن پر صوبہ وردگ سے امریکی فوج کے فوری انخلا کے حوالے سے نعرے درج تھے۔
مظاہرین نے مطالبہ کیا کہ امریکی فوج کی جانب سے گرفتار کیے گئے بے گناہ شہریوں کو فوری رہا کیا جائے۔ دریں اثناامریکی وزیردفاع اورافغان صد کے درمیان ٹیلی فون پر بات چیت میں بگرام جیل کامعاملہ جلدحل کرنے کی کوششوں پراتفاق ہوگیا۔
ایکسپریس نیوز