امریکا اورطالبان نےکرزئی کےالزام کی تردید کردی

امریکا اور طالبان نےافغان صدرحامد کرزئی کےدعوےکی تردید کرتے ہوئےمذاکرات کےالزام کوغلط قرار دیاہے۔
امریکی وزیردفاع چک ہیگل نے افغان صدر حامد کرزئی سے دارالحکومت کابل میں ملاقات کے بعد میڈیا سے بات کرتے ہوئےکہا کہ طالبان سے مذاکرات کے دعوے میں کوئی سچائی نہیں۔
چک ہیگل کاکہنا تھا کہ انہوں نےصدر کرزئی کو بتایا ہے کہ امریکا طالبان کے ساتھ مذاکرات کی کوشش کے لئے یک طرفہ طور پر کام نہیں کررہا۔
انہوں نے واضح کیاکہ طالبان کے ساتھ مذاکرات کی قیادت افغان ہی کریں گے،امریکا صرف مذاکراتی عمل میں مدد فراہم کرے گا۔
طالبان نے بھی حامد کرزئی کے بیان کو یکسر غلط قرار دیتے ہوئے کہا ہے کہ ان کے امریکا سے کوئی مذاکرات نہیں ہورہے۔
طالبان ترجمان ذبیح اللہ مجاہد کے مطابق حامد کرزئی کا بیان جھوٹ سے زیادہ حیثیت نہیں رکھتا۔
خیال رہے کہ اس سےافغان صدراپنے ایک بیان میں دعویٰ کیاتھا کہ طالبان اور امریکا کے درمیان مذاکرات روزانہ کی بنیاد پر جاری ہیں۔

دی نیوز ٹرائب