ایرانی سنی طلبا کا زاہدان میں اجتماع

ایران کی مختلف یونیورسٹیوں سے تعلق رکھنے والے سینکڑوں سنی طلبا اپنے علمائے کرام اور دانشوروں سے ملاقات کیلیے جمعرات سات مارچ میں دارالعلوم زاہدان پہنچ گئے جہاں سالانہ اجتماع منعقد ہوگیا۔
“سنی آن لائن” کی رپورٹ کے مطابق سنی طلبا کے سالانہ اجتماع کا باقاعدہ آغاز جمعرات کی صبح جامعہ کے احاطے میں واقع جامع مسجد مکی میں ہوا۔ اجتماع کی آخری نشست مغرب کے بعد منعقد ہوئی جہاں مہتمم دارالعلوم زاہدان شیخ الاسلام مولانا عبدالحمید نے حاضرین سے خطاب کیا۔
علمائے کرام اور مختلف جامعات کے سنی اساتذہ سے ملاقات کے اجتماع میں مخلتف پروگرامز پیش کیے گئے جن میں بیانات، نظمیں، سوال جواب، کتب میلہ اور جرائد ومجلوں کی نمائش شامل ہیں۔
یاد رہے ہرسال مارچ میں ایران کی مخلتف یونیورسٹیوں کے سنی طلبا و طالبات دارالعلوم زاہدان پہنچ جاتے ہیں جہاں علم ودانش اور اصلاح اخلاق و اعمال کی اہمیت ان کیلیے واضح کی جاتی ہے۔
اس سال کے اجتماع میں بڑی تعداد میں طلبا و طالبات نے شرکت کی۔
شیخ الاسلام مولانا عبدالحمید اس اہم اجتماع کے آخری خطیب تھے جنہوں نے سات مارچ 2013ء کی شام کو شرکائے مجلس سے خطاب کیا۔ خطاب کے بعد اجتماعی دعا کی گئی جس سے اجتماع کا اختتام ہوا۔

سنی آن لائن