ایران: زاہدان کی سنی برادری کا گستاخانہ فلم کیخلاف احتجاج

زاہدان(سنی آن لائن) ہزاروں سنی نمازیوں نے نمازجمعہ کے بعد امریکا میں بنائی گئی اسلام مخالف گستاخانہ فلم کے خلاف احتجاج کرتے ہوئے سرورِ کونین صلی اللہ علیہ وسلم سے اپنی محبت و وفاداری کا اظہار کیا۔

’’سنی آن لائن‘‘ کے نمائندے کے مطابق خطیب اہل سنت زاہدان شیخ الاسلام مولانا عبدالحمید کی دعوت کو لبیک کہتے ہوئے ہزاروں فرزندانِ توحید نے چودہ ستمبر میں جامع مسجد مکی زاہدان میں نماز جمعہ کے بعد شہر کے ’’خیام روڈ‘‘ پر احتجاجی ریلی نکالی۔

احتجاج کرنے والوں نے گستاخ فلم میکرز اور امریکی حکومت کے خلاف نعرے لگا کر بدزبانوں کو سخت سزا دینے کا مطالبہ کیا۔ مظاہرین سے خطاب کرتے ہوئے سنی علمائے کرام نے امریکی حکومت پر سخت تنقید کی جو اسلام مخالف مہموں کو کنٹرول کرنے میں ناکام ہوچکی ہے۔

اہل سنت کی احتجاجی ریلی کی بعض تصویری جھلکیاں: