Categories: پاکستان

كراچی: چینی اور روسی سفارت خانے کے باہر دھماکہ

کراچی(خبررساں ادارے) کراچی کے علاقے نیو کلفٹن میں ریڈ زون میں واقع چینی اور روسی سفارت خانے کے قریب زور دار دھماکہ، دھماکے کے باعث علاقے میں خوف و ہراس پھیل گیا۔ پولیس، رینجرز اور بم ڈسپوزل اسکواڈ کا عملہ موقع پر پہنچ گیا۔ ایک رینجرز اہلکار سمیت دو افراد زخمی ہوگئے۔
بوٹ بیسن تھانے کی حدود نیو کلفٹن میں ریڈ زون میں واقع چینی اور روسی سفارت خانے کے قریب پاکستان انسٹیوٹ ٹورزم اینڈ ہوٹل مینیجمنٹ کے دفتر کی پارکنگ میں کھڑی موٹر سائیکل میں نصب دھماکہ خیز مواد پیر کی دوپہر اچانک پھٹ گیا۔ دھماکے کی آواز دور دور تک سنی گئی، دھماکے سے ایک رینجرز اہلکار سمیت دو افراد زخمی ہوگئے ہیں جنہیں جناح اسپتال منتقل کیا گیا۔ دھماکے کے باعث تین موٹر سائیکل اور گاڑیوں کو جزوی نقصان پہنچا ہے۔
دھماکے کے بعد ایس ایس پی سائوتھ آصف اعجاز شیخ نے صحافیوں سے بات چیت کرتے ہوئے کہا کہ بم موٹر سائیکل میں نصب تھا۔ دھماکے میں رینجرز کا اہلکار زخمی ہوا جسے اسپتال منتقل کر دیا گیا ہے۔
پولیس نے مشتبہ موٹر سائیکل کو قبضے میں لے لیا ہے ان کا کہنا تھا کہ دھماکے کے ہدف کے بارے میں ابھی کچھ کہنا قبل از وقت ہوگا۔ دھماکے کے بعد موٹر سائیکل بری طرح تباہ ہوگئی، موٹر سائیکل خالی پلاٹ میں کھڑی کی گئی تھی۔
دوسری جانب بم ڈسپوزل اسکواڈ کے مطابق بم آٹھ سے دس کلو وزنی تھا اور ڈیٹو نیٹر کی مدد سے دھماکہ کیا گیا ہے۔

modiryat urdu

Recent Posts

مکہ مکرمہ: حرمین میں لگی سنگ مرمر کی ٹائلوں کی نمائش کا اہتمام

مکہ مکرمہ: حرمین میں لگی سنگ مرمر کی ٹائلوں کی نمائش کا اہتمام

2 days ago

ماہ رنگ بلوچ اور صبغت اللہ کو دو دو مرتبہ عمر قید کی سزا

ماہ رنگ بلوچ اور صبغت اللہ کو دو دو مرتبہ عمر قید کی سزا

2 days ago

کوئی بھی کتاب قرآن جتنی اثرانگیز نہیں ہے / قرآن حق اور سعادت کے چاہنے والوں کے لیے نجات کا آخری راستہ ہے

کوئی بھی کتاب قرآن جتنی اثرانگیز نہیں ہے / قرآن حق اور سعادت کے چاہنے…

4 days ago

زاہدان کے علما و قرآنی کارکنان کا مشاورتی اجلاس منعقد

زاہدان اور نواحی علاقوں کے علما، ائمہ مساجد اور قرآنی کارکنان کا ایک مشاورتی اجلاس…

4 days ago

مولانا مفتی محمدقاسم بنی‌کمال (قاسمی) کا نئے ہجری سال 1448 کے آغاز پر پیغام

مولانا مفتی محمدقاسم بنی‌کمال (قاسمی) کا نئے ہجری سال 1448 کے آغاز پر پیغام

1 week ago