کراچی/پشاور/راولپنڈی/لاہور (اسٹاف رپورٹر/ جسارت) نظام خلافت کیلئے کوشاں جماعت کالعدم حزب التحریر کی ملک بھر میں پرامن ریلیوں پر پولیس نے دھاوا بول دیا، ریلی میں شریک افراد رپر لاٹھی چارج سمیت ہاتھ پا ں کا آزادانہ استعمال ، پولیس نے 29 مظاہرین کو گرفتارکرلیا۔
تفصیلات کے مطابق پاکستان میں نظام خلافت کیلئے کوشاں کالعدم حزب التحریر نے گزشتہ روز کراچی میں ریگل چوک، لاہور میں قرطبہ چوک، راولپنڈی میں لیاقت باغ اور پشاور میں قصہ خوانی بازار میں خلافت ریلیاں نکالیں۔
کراچی میں نکالی جانے والی ریلی سہ پہر 3بجے ایمپریس مارکیٹ سے ہوتے ہوئے ریگل چوک پہنچی تھی، ریلی میں سینکڑوںافراد شریک تھے۔ ریلی کے شرکاءنے کلمہ طیبہ کے جھنڈے اور مختلف پلے کارڈ اٹھارکھے تھی، جن پر امریکا کو بھگاﺅ ،غداروں کو ہٹاﺅ ،خلافت کو لاﺅ کے نعرے تحریر تھے۔
یاد رہے کہ حزب التحریر نے 17اپریل کو نکالی جانے والی ریلی سے متعلق کئی روز قبل شہربھر میں بینرز اور پمفلٹ آویزاں کیے تھی، پولیس اور حساس اداروں نے ریلی کو روکنے کیلئے دوپہر 2بجے سے ہی ریگل چوک پر بھاری نفری تعینات کررکھی تھی ،لیکن ریلی ایمپریس مارکیٹ سے شروع ہوئی اور پرامن انداز میں ہوتے ہوئے ریگل چوک پر پہنچی تھی کہ پولیس اہلکاروں نے واٹر گن کے ذریعے مظاہرین پر پانی پھینکا اور ساتھ ہی لاٹھی چارج شروع کردیا۔ریلی کے شرکا ءمیں سے 7افرادشفاعت ولد جمشید،وقاص ولد محمد اسلم، حزب اللہ ولد ظفر اللہ ،سعد ولد سرفراز،مزمل ولد اقبال،مجتبیٰ ولد مرتضیٰ ،محمد رفیق ولد مصری خان کو گرفتار کرکے 147-148کے تحت مقدمہ نمبر 257درج کرلیا ہے ۔
لاہور میں کالعدم حزب التحریر کے کارکن ریلی کی صورت میں شمع چوک سے نکلے اور پنجاب اسمبلی کی جانب بڑھے۔ کارکنان جب قرطبہ چوک پہنچے تو وہاں موجود پولیس کی بھاری نفری نے انہیں آگے جانے سے روک دیا۔ اہلکاروں نے ریلی کے شرکا سے جھنڈے اور پوسٹر چھیننے کی کوشش کی ۔اس موقع پر پولیس نے لاٹھی چارج کیا اور 16 افراد کو گرفتار کرلیا۔
پشاور میں قصہ خوانی بازار سے نکالی گئی ریلی پر پولیس کا دھاوا، پولیس نے 5 افراد کو گرفتار کرلیا جبکہ راولپنڈی میں ریلی سے ایک کارکن کو گرفتار کیا گیا۔علاوہ ازیں ملک بھر میں حزب التحریر کی ریلیوں پر پولیس کے لاٹھی چارج کے بعدحزب التحریر ولایہ پاکستان نے جاری کردہ اعلامیہ میں کہا ہے کہ ہم غدار حکمرانوں کو مسترد کرتے ہیں، ہم نظام خلافت چاہتے ہیں اور اس کے لیے جدوجہد جاری رہے گی۔ اعلامیہ میں پاکستان کی مسلح افواج میں موجود مخلص آفیسرز سے کہا گیا ہے کہ وہ خلافت کے قیام کے لیے حزب التحریر کی مدد کریں۔