فیصل آباد: توہین رسالت کے مقدمے میں ملوث 2 ملزمان قتل

فیصل آباد ( جنگ نیوز / مانیٹرنگ سیل )فیصل آباد میں توہین رسالت کے مقدمے میں ملوث 2 ملزمان کو ضلع کچہری میں نامعلوم شخص نے فائرنگ کرکے قتل کردیا۔ فائرنگ سے پولیس انسپکٹر شدید زخمی ہو گیا۔

پولیس کے مطابق چند روز قبل توہین رسالت کے الزام میں گرفتار راشد مسیح اور اس کے بھائی ساجد مسیح کو عدالت میں پیشی کے بعد واپس لے جایا جا رہا تھا کہ کچہری کے باہر گھات لگائے ایک شخص نے ان پر فائرنگ کر دی جس سے دونوں بھائی اور پولیس انسپکٹر زخمی ہو گئے۔
دونوں بھائی اسپتال میں دم توڑ گئے جبکہ انسپکٹر کی حالت نازک ہے۔