ناظم تعلیمات دارالعلوم زاہدان مولانا عبدالغنی بدری رہا ہوگئے

زاہدان۔ سنی آن لاین: مولانا عبدالغنی بدری ناظم تعلیمات جامعہ دارالعلوم زاہدان ایران ایک مہینہ کا عرصہ جیل میں گزارنے کے بعد آج ۱۲ دسمبر ۲۰۰۹ کو رہا ہوگئے۔

یاد رہے مولانا عبدالغنی بدری ایک مہینہ قبل ۱۲نومبر سے ایک خصوصی عدالت کے حکم پر خفیہ اداروں کی تحویل میں تھے۔ مولانا بدری سمیت ایرانی بلوچستان سے تعلق رکھنے والے بعض دیگر سرکردہ علمائے کرام کو مشہد کی خصوصی عدالت برائے علماء کی طرف سے  پیش ہونے کے
لے نوٹس ملاتھا۔  پیشی کے بعد زاہدان اور خاش سے تعلق رکھنے والے چار علمائے کرام جو اپنے مدارس کے ذمہ دار یا ناظم تھے روانہ زندان ہوئے۔