سیستانءُبلوچستان ءِ ثبت احوال ءِ سرمستر ءَ گوشت: ماں اے هلاکه ءَ هر شپءُرۆچ ءَ میانجینی کساس ءَ 210 گونڈل ءُ هر ادار ءَ 8 گونڈل ودیَ بیت.
علی رحمتی ءَ ماں گپءُتران گۆں ایسنا ءَ گوشت: سیستانءُبلوچستان پد شه تهران ءُ خراسان رضوی ءِ هلاکهاں سێمی جاگه ءَ ماں گونڈل ءِ ودی بیگ ءَ دار ایت که اۆلی زهگ ءِ ودی بیگ ءِ وهد ءَ پِسّ ءِ میانجینی سند 27 ءُ ماس ءِ 22 سال انت.
ثبت احوال ءِ سرمستر ءَ گوشت: اے سال ءِ گوستگێں 9 ماه ءَ ۵۸ هزار ءُ ۵۳۸ زهگ ودی بوتگ که ۳۰ هزار ءُ ۶۳ بچک ءُ ۲۸ هزار ءُ ۴۷۵ جنک بوتگ انت. شه اے کساس ءَ ۳۵ هزار ءُ ۲۹۹ زهگ ماں شهراں ءُ ۲۳ هزار ءُ ۲۳۹ زهگ ماں هلک ءُ کلگاں ودی بوتگ انت. اگاں 105 بچک ودی بوتگ، آ نێمگ ءَ هم 100 جنک ودی بوتگ. البت شه گوستگێں سال ءَ ۷.۸ درصد کمتر زهگ ودی بوتگ.
آئی گێش کرت: اے سال ءِ گوستگێں 9 ماه ءَ ۱۰ هزار ءُ ۱۳۲ نپر بێران بوتگ که شه آوان ۵ هزار ءُ ۸۱۷ مردێں ءُ ۴ هزار ءُ ۲۷۵ جنێن انت. شه اے کساس ءَ ۶ هزار ءُ ۱۵۰ نپر ماں شهراں ءُ ۳ هزار ءُ ۹۴۲ نپر ماں هلک ءُ کلگاں بێران بوتگ انت. اگاں ۱۳۶ مردێن ءَ وفات کرتگ شه آ نێمگ ءَ هم ۱۰۰ جنێن ءَ وفات کرتگ. البت مرکءُمیر هم شه گوستگێں سال ءَ ۵.۵ درصد کمتر بوتگ.
رحمتی گوشت: بێران بوتگێنانی میانجینی سند 51 سال انت که بازێن منانکے دار ایت، البت یکے شه ٹوهترێں سوباں ناامنێں دگ ءُ راه انت.
سنیآنلاین| پد شه اێشی که یکے شه سیستان ءُ بلوچستان ءِ کارمستراں گۆں وتی رڈێں هبراں واجه شیخالاسلام ءِ باروا،…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (16 مرداد 1405/ 7 آگست 2026) بیست سالیگێں بندشاں ءُ…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (9 مرداد 1405/ 31 جولای 2026)، وتی گڑتی ءَ شه…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (2 مرداد 1405/ 24 جولای 2026)، عدالت ءِ اێردارگ، کانودی…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (26 تیرماه 1405/ 17 جولای 2026)، ایران ءُ امریکه ءِ…
مولانا عبدالرشید شهبخش ماں زابل ءِ نمازجمعه ءِ دیوان ءَ گۆں اشاره به مردمانی رۆزیگی سکیان گوشت: گوستگێں ماهاں ناداری،…